Cultur mousterian

De Vicipedia
Jump to navigation Jump to search
Puntos mousterian

La cultur mousterian es un cultur definada par sua tecnolojia de utiles litica de petra focosa asosiada xef con la umanas moderna la plu temprana en Africa norde e Asia sude-ueste, e con la umanas neandertal en Europa. Lo defini la parte tarde de la eda paleolitica, de sirca 160 mil a 40 mil aec. Si on incui sua presedente, nomida la cultur levallois o levallois-mousterian, la estende deveni tan temprana omo 300 mil o 200 mil aec.

La cultur ia es nomida pos la loca tipal a Le Moustier, composada de tre refujas de roca supraponeda sur lunlotra, en la rejion de la Dordogne de Frans. Utiles simil ia es trovada tra tota Europa nonglasida e ance en Asia sude-ueste e Africa norde. Axas de mano, raspadores, e puntos composa la industria. A veses, un tecnica levallois o otra tecnica de cor preparada ia es usada en fabrica la flocos de petra focosa.

La cultur mousterian es la produida de la neandertales. Alga colies de la Pech de lAze inclui puntos spesial peti preparada con la tecnica levallois, cual causa ce alga rexercores ia sujeste ce esta flocos usa la vantaje de la fortia plu grande de la neandertales.

En Africa norde e Asia sude-ueste, utiles mousterian ia es produida par umanas moderna. En la Levante, per esemplo, colies produida par la neandertales no es distinguable de los fabricada la umanas moderna de la tipo Qafzeh. La tenicas mousterian en Africa norda es estimada tan vea como 315 mil anios.