Cronolojia de computa

De Vicipedia
Jump to navigation Jump to search
computador de Jacquard
  • Sirca 2500 aec: la popla de Mesopotamia (aora Irac) developa un sistem numeral en cual la valua de un dijito depende a se loca en un numero.
  • 876 aec: la simbol per zero es usada a prima ves en India.
  • Sirca 190 aec: matematicistes xines usa potias de 10 per espresa la cuantias alta.
  • 1614: matematiciste scotes John Napier inventa logaritmos, ce reali la calculas longa de divides e multiplis par sutraes e somas.
  • 1615: William Oughtred inventa la regulador de calcula.
  • 1623: Wilhelm Schickard inventa la aparato macinal de conta.
  • 1642: Blaise Pascal produi un aparato macinal de conta, la Pascaline, ce usa rotas torsente per fa aritmetica.
  • 1672-94: Gottfried Leibniz construi se calculador prima, la estimador a pasos.
  • 1679: Leibniz introdui la aritmetica binaria, en cual sola du simboles es usada per representa tota numeros.
  • 1794: Claude Chappé en Frans construi un sistem de sinia a distantia longa, ce usa semafores.
  • 1805: Joseph- Marie Jacquard developa un tesador automatida controlada par cartas perforada.
  • 1820: La calculador prima produida en serie, la Arithometer, es developada par Charles Thomas de Colmar (1785-1870).
  • 1823: En la Rena Unida, Charles Babbage construi la Motor de Difere per calcula logaritmos e funsionas logaritmal. Plu tarda el developa ma fali de completi la Motor Analisal, ce ave la elementos de un computador macinal.
  • 1839: Charles Wheatstone e William Cooke construi un telegrafa eletrica en England.
  • 1854: George Boole en la Rena Unida publici se sistem de lojica simbolal, aora nomida la aljebra de Boole.
  • 1858: La cordon prima de telegrafa transatlantica es instalada.
  • 1876: Alexander Graham Bell inventa la telefon.
  • 1884: La linia telefonal prima a distantia longa es instalada entre Boston e New York.
  • 1886: William Burroughs developa la macina de soma ce susede comersial a prima ves.
  • 1890: Herman Hollerith developa macinas tablinte ce usa cartas perforada per usa en la conta de popla de SUA. La compania de Hollerith es un de la partes de cual IBM (International Business Machines) es formida en 1924. La cartas perforada es ja prima esplotada par Joseph-Marie Jacquard en 1805, e alora es vasta usada per prosede datos asta la desenio de 1970.
  • 1892: La Cambia Automatida de Telefon prima es abrida, a la Porte, Indiana.
  • 1894: Guglielmo Marconi abri la via a telegrafia sin filo en Italia, movente plu tarda a England.
  • 1900: Reginald Fessenden en la SUA difundi prima la vose par radio.
  • 1901: Marconi envia prima la sinias de radio tra la Mar Atlantica.
  • 1904: Ambrose Fleming, un fisiciste engles, inventa la valva diodal ce permete la flue eletrica sola en un dirije.
  • 1907: Charles Krumm introdui la presedente de la teleprimador.
  • 1924: La Computing Tabulating Recording Company cambia se nom a International Business Machines (IBM).
  • 1936: La matematiste engles Alan Turing developa la idea ce tota problemes solvable pote es solveda usante algoritmas. El scrive un paper orijinal Sur Numeros Computable, ce influe John von Neumann e la developa de computa.
  • 1937: La macina somante binaria prima es construida de valvas telefonal, filetas de lata, bulbos, e otra cosas par George Stibitz, un injenior a Bell Telephone Laboratories en New Jersey, SUA. El nomi el la Model K car el es construida sur se table de cosina ("kitchen").
  • 1938: Konrad Zuse, laborante en la sala de espeta de se jenitores en Berlin, Deutxland, completi la Z1, la macina calculante binaria prima. La lojica binaria deveni plu tarda la metodo normal de opera de computadores eletronica.
  • 1940: Stibitz e un ecipo a Bell Labs completi la construi de la Calculador De Numero Complicada, un calculador valval de scala plen, fundada ja a la developa de se ideas de table de cosina.
  • 1941 Zuse asembla la Z3, la calculador eletrica macinida prima controlada par programas. La Comanda Alta Deutx refusa se proposa de construi un computador eletronica usante valvas.
  • 1942: John Atanasoff e Clifford Berry completi la ABC o Atanasoff-Berry Calculator, un de la calculadores eletronica prima. En 1973 un judiste de la SUA deside ce el es un computador tan completa ce el desvalua la patentas de ENIAC, ce es vasta conoseda como la computador eletronica prima.
  • 1943: Un computador eletronica, Colossus, es construida en Bletchley Park, England, per aida en desifri en tempo de gera. Colossus opera ante ENIAC, ma se developa es mantenida como secreta per 32 anios. En la SUA, la computador Harvard University Mark I, partal finansiada par IBM, deveni la calculador prima contolada par programa.
  • 1944: John von Neumann e Oscar Morgenstern developa la teoria de jua en la SUA.
  • 1945: ENIAC es completida par J Presper Eckert e John W Mauchly a la Scola Moore a la Universia de Pennsylvania. El es fundada a valvas e programable par usa de cordones e un panel de comuta (ce sinifia cambia la filos). Ma Eckert e Mauchly ia proposa ja construi un computador ce pote reteni e esecuta programas, nomida EDVAC. John von Neumann ia descrive un projeta ce stimula la construi de macinas simil, e esta strutur es plu tarda nomida la arciteta de von Neumann.
  • 1946: Eckert e Mauchly abanda la scola Moore per funda la compania comersial prima de computador, ce gida a UNIVAC (Universal Automatic Computer) e la industria de computador grande en la SUA.
  • 1947: William Shockley, John Bardeen, e Walter Brattain inventa la transistor de junta de jermanio en Bell Labs.
  • 1948 La SSEC de IBM, un sistem eletromacinal, esecuta un programa retenida, en cuando un model simple, la computador Mark I de Universia de Manchester, es la prima ce esecuta la programa ja retenida en un computador eletronica.
  • 1949: EDSAC, la computador eletronica prima de scala plen, opera a Universia de Cambridge, England.
  • 1951: On lansa la computadores prima comersial produida: un Ferranti Mark I instalada en Universia de Manchester, alora la UNIVAC prima de Eckert e Mauchly en la ofisia de conta de popla de SUA. Whirlwind, la computador prima de tempo real, es desiniada en MIT par Jay Forrester e Ken Olsen per la sistem de defende airal de la SUA. Grace Murray Hopper de Remington Rand inventa la programa de compila per computador.
  • 1952: EDVAC es completida a la Organiza per Studia Avansada, Princeton, SUA, par John von Neumann e otras. G W Dummer, de Instituto de Radar Reial en la Rena Unida, descrive un sircuito integrada ce es cisa la microtelia prima de computador. Ma se model prima fali opera.
  • 1954: La transistor de silicon es developada par Gordon Teal de Texas Instruments, SUA. La sistem de opera prima es fada par Gene Amdahl per la computador IBM 704. George Devol proposa un patenta per un braso robotal controlada par programas scriveda en cartas perforada.
  • 1956: On pone la cordon de telefon transatlantica prima. Un programa de xace gania un vinse prima sur un umana.
  • 1957: Digital Equipment Corporation es fundada par Ken Olsen.
  • 1958: La sircuito integrada prima, ce ia conteni sinco partes, es construida par fisiciste eletrica de SUA Jack Kilby de Texas Instruments.
  • 1959: La transistor plana, ce es construida en stratos o planas, es desiniada par Robert Noyce de Fairchild Semiconductor Corporation, SUA.
  • 1960: La minicomputador prima , la PDP-1, es developada par DEC.
  • 1961: Meteorolojiste Edward Lorenz a MIT (Massachusetts Institute of Technology), SUA, descovre un sistem matematica con condui caososa, ce gida a un clase nova de matematica: la teoria de caos.
  • 1962: Ivan Sutherland, un studiante graduada a MIT, mostra Sketchpad, un programa ce usa un pen de lus per crea desinias. Benoit Mandelbrot de IBM inventa imajes fratal, usante un computador per repete la mesma model matematica a veses numeros.
  • 1962: Telstar abri la via per comunica transatlantica par satelite, cuando el envia imajes de TV direta.
  • 1963: La PDP-8, la minicomputador prima produida en serie, es lansada par DEC.
  • 1964: Lansa de IBM Sistem/360, la familia prima de computadores acordante. John Kemeny e Thomas Kurtz de Universia de Dartmouth inventa BASIC (Beginner's All-purpose Symbolic Instruction Code), un lingua de programa simil a FORTRAN.
  • 1965: La supracomputador prima, la CD6600, es desiniada par Seymour Cray en Control Data Corporation en la SUA. ARPA (Advanced Research Projects Agency) de la SUA suporta un rexerca en rede cooperante de computadores ce comparti la tempo, ce deveni final la Interede. Ted Nelson forje la terma ipertesto e imajina un rede mondal de computadores con testos liada, como la WWW (World Wide Web).
Supracomputador prima Cray 1, a la Museo Deutx en Munchen
  • 1966: Computer Weekly, la revista semanal de computador prima en la mondo es lansada en la Rena Unida. Charles Kao sujeste la usa de otica per telecomunica.
  • 1967: La lejador prima de disco mol es construida.
  • 1968: Doug Engelbart de Stanford Research Institute, California, mostra la sistem prima de computador ipertestal controlada par un mus. Intel Corporation es fundada en California par Robert Noyce e Gordon Moore e lansa la microtelia prima comersial de RAM (random access memory) con un grandia de 1 KB (cilobait).
  • 1969: Rexercores a cuatro universias de SUA — Stanford Research Institute, University de California en Santa Barbara e Los Angeles, e University de Utah - lia se computadores per forma la ARPANET, ce es la punto comensal de la Interede. En Bell Labs, Ken Thomson e Dennis Ritchie comensa developa la sistem de opera UNIX.
  • 1970: La lejador de 8 ditones es introduida par IBM. Gene Amdahl, un desinior pasada de computador sentral IBM S/360 , abanda per funda la compania Amdahl per developa la computador prima ce es armoniosa con la sistem IBM .
  • 1971: La microprosedador prima o computador sur un microtelia, la Intel 4004, es developada par Marcian "Ted" Hoff e otras en Intel en California, SUA. La lingua de programa Pascal es developada par Niklaus Wirth. La Poketronic, la calculador de pox prima, es lansada en la SUA.
  • 1972: Pong, un jua de video operada par moneta, es instalada par Nolan Bushnell, ci funda Atari en California. Intel lansa la 8008, la microprosedador prima de 8 bitios.
  • 1973: La disco dur prima, sifral nomida Winchester, es introduida par IBM. University College, London, e la Instituto de Radar Reial en Noria deveni la locas prima liada a la ARPANET. La rede de Ethernet es developada par Bob Metcalfe, ci soma la ideas en se tesi de PhD de Harvard. La computador prima operable par mus, la stasion de labora Alto es developada en PARC (Palo Alto Research Center) de Xerox. La compania Toshiba developa la microprosedador prima de Japan: la LCS-12 de 12 bitios.
  • 1974: La lingua de programa C es developada en Bell Labs par Brian Kernighan e Dennis Ritchie. CLIP-4, la computador prima con arciteta paralel, es developada par John Backus en IBM. La jornal Creative Computing es lansada en la SUA per aida la amatores de computador de casa. Un "sistem esperta" de programa, MYCIN, proba es tan bon como dotores per diagnose casos de meninjite en des casos de rexerca.
computador de casa Apple1
  • 1975: La PC prima ce susede comersial, la Altair 8800, es lansada como un paco construable par MITS en New Mexico, SUA. La Altair — un nom inspirada par la serie de TV Star Trek — es fundada a microprosedador Intel 8080 de 8 bitios, e usa un copia de BASIC furnida par Microsoft, un compania fundada par Bill Gates e Paul Allen per esta intende. Cray Research lansa la supracomputador Cray 1, desiniada par Seymour Cray. La prinsipes de prosede RISC es developada par John Cocke a IBM.
  • 1976: Apple Computer es fundada en California par Steve Jobs e Steve Wozniak, ci mostra Apple I de Wozniac a club de computador Homebrew. Adventure o Colossal Caves, la jua de aventura prima, es developada par Crowther e Woods. La computador prima ce tolera faltas es lansada par Tandem.
  • CP/M (Control Program/ Microcomputers), la sistem de opera prima la plu poplal per pc, es lansada par Gary Kildall de Digital Research. La filo otica prima per cordon comunical es instalada en California. Atari lansa VCS(Video Computer System), la juador per casa la plu amable.
  • 1978: La programa per calcula prima, VisiCalc, es developada par Dan Bricklin e Bob Frankston. Speak and Spell, la juador prima con sintese de parla integrada es lansada par Texas Instruments. Space Invaders, un jua video operable par moneta, es introduida par Taito en Japan. La prosedador 8086 - fundada de la linia x86 - es lansada par Intel.
  • 1979: Pos multe anios de atentas, la sistem de videotesto, Prestel es lansada par posteria de la Rena Unida per envia informa a aparatos de TV par linia de telefon e modem. CompuServe e The Source, la servis enlinia e de comparti tempal es lansada en la SUA.
  • Area local de rede Ethernet es anonsiada par Xerox, Digital Equipment Corporation, e Intel. La modem Micromodem 100 es introduida en la SUA par Hayes Microcomputer Products. USENET es fundada entre du universias ce usa UUCP, la programa UNIX-to- UNIX Copy. MUD la jua de aventur multiusoral prima es developada par Richard Bartle e Roy Trubshaw a la Universia de Essex, England. La Atari 400 e 800, la computadores de casa prima desiniada per juas es lansada par Atari.
  • 1980: Sinclair Electronics de senior Clive Sinclair entra la mercato de pc en la Rena Unida con la Sinclair ZX80, la pc prima per min ce 100 paundes.
  • 1981: IBM Personal Computer o PC es lansada par IBM, fundada sur un microprosedador Intel 8088 e BASIC e Disk Operating System (DOS) de Microsoft. Warner Amex, CompuServe, e Atari combina per lansa la servi de informa prima TV par cordon en Columbus, Ohio. Xerox lansa la Xerox Star, la pc comersial prima con interfas grafica , un mus, un sistem programada par ojetos, e rede de Ethernet integrada. Adam Osborne introdui la pc portable prima Osborne 1(tro pesos per porta!) : el pesa 24 libras /11 kg. On introdui en Frans la Teletel, la rede de comunica, do terminales peti Minitel es furnida en loca de arcivos primida de telefon.
  • 1982: TCP/IP - un protocol de comunica proposada par Vint Cerf e Bob Kahn in 1974 - es fada la norma per la ARPANET: esta marca la comensa de la Interede como un rede de redes. Noveliste William Gibson forje la terma siberspasio en un nara imajinal influente, Neuromancer. Compaq introdui la pc portable prima acordante con pc de IBM. Intel anunsia la posedador 80286. La programa prima shareware(de comparti)- un programa de comunica nomida PC-Talk-es distribuida par Andrew Fluegelman. La Museo de Computador es fundada en Boston, SUA. La compania de telefon american AT&T, es divideda par Departamento de Justia de SUA, creante Baby Bells o PROCBs(companias areal) ma un suplica contra monopolio ce dura ja longa contra IBM es abandada.
  • 1983: Apple lansa Lisa, se PC prima operable con mus con interfas grafica de usor inspirada par labora a Xerox PARC. Microsoft, a inspira simil, anunsia un programa grafica nomida Windows, e vende un mus con Microsoft Word, se programa per scrive prima. Novell introdui la sistem de opera de rede Netware per redes de area local de pcs. Gavilan desveli la pc portable prima con carta de toca operable como un mus. Commodore lansa la SX-64, la pc portable prima con scerma colorida. IBM anunsia la pc Junior, un copia desinada per casa.
la Macintosh
  • 1984: Apple lansa la computador Macintosh, con scerma integrada blanca e blu, usante un anunsia de TV longa creada sola un ves , durante la futbal american final Superbowl.
  • IBM lansa la IBM PC AT, ce funda la norma per acordantia a pc per la desenio seguente.
  • La publicida comersial prima sur CD-ROM es developada par la Library Corporation per IBM PC.
  • Microsoft lansa MSX, un norma per PC de casa de 8 bitios adotada par 14 fabricores incluinte Sony e Canon.
  • 1985: La pcs colorida prima con mus de 16 bitios produida en serie es lansada en la SUA par Atari(Atari ST) e Commodore (Amiga).
  • Microsoft vende la copia prima de Windows per pcs acordante con IBM. La Atari usa interfas grafica (GEM) de Digital Research. Intel anunsia la prosedador 386.
  • En la Rena Unida Inmos anunsia la transputer T414, la microprosedador prima e comun disponable per construi computadores paralel, e Acorn anunsia la prosedador ARM (Acorn RISC Machine). En Japan un laboror macinal es matada par un robot faltante.
  • 1986: IBM lansa la stasion de labora prima de UNIX fundada sur prosedador RISC, la PC RT o 6150. Hewlett-Packard lansa familia de PC Spectrum sur base de RISC.
  • 1987: IBM atenta de reprende la controla de industria de pc par lansa de un grupo de pc nomida PS/2 ce esecuta OS/2 , un sistem de opera nova developada par Microsoft.
  • Apple introdui la linia Macintosh II con scerma colorida separeda .
  • En la Rena Unida, Acorn lansa Archimedes, la pc prima fundada sur un prosedador RISC.
  • 1988: Apple fa un suplica contra Microsoft e Hewlett- Packard, disputante ce la programas de los- Windows and NewWave - viole la direto de copia en se interfas de Macintosh.
  • La Gang de Nove de fabricores de pc, gidada par Compaq, anunsia la developa de la norma EISA, un alternante a la MCA(Micro Channel Architecture) nonacordante. NeXT desveli un stasion de labora UNIX de forma cubo, la prima con discador canselable en loca de discador mol.
  • 1989: Intel anunsia prosedadores 486 e la RISC prima,i860. La PC de pox prima es anunsiada par Atari (Portfolio) e Poqet (Poqet PC). La juador portada de mano, la Gameboy, es lansada en Japan par Nintendo.
  • GRiD Systems introdui GridPad, un computador portable grande con un scermo sensosa a toca, stilo, e un programa per reconose scrive manal en loca de teclador. Headstart Technologies lansa un pc con lejador de CD-ROM. Anamartic anunsia un microtelia de memoria ce es capas de reserva 200 milion carateres.
  • Campion de xace de mundo Garry Kasparov vinse contra Deep Thought, un pc juante xace developada a la Universia de Carnegie-Mellon en un max de du juas.
  • 1990: Microsoft descorea Windows 3, un ambiente con fenestras poplal per pcs. Dragon Systems vende Dragon Dictate, la sistem prima per reconose parlal desiniada per pc. La macina operable de distantia, un tostador, es liada a la interede.
  • 1990-91: A CERN, la sentra europan de rexerca fisical de particles, un model prima de WWW(World Wide Web) es developada par Tim Berners-Lee, ci envia se codigo a la Interede en grupo de novas alt.hypertext .
  • 1991: PenPoint, la sistem de opera desiniada per pc ce opera par pen es lansada par Go Corporation de la SUA.
Tim-Berners-Lee inventor brites de WWW
  • 1992:Philips lansa la juador CD-I (Compact-Disc Interactive) baseda sur un tecnica de CD audio, per furni multimedia interativa per la usores de casa.
  • 1993: Intel lansa se prosedador 586, nominte el la Pentium, car un judiste federal deside ce fabricores competente pote usa nomes con x86.
  • Microsoft desveli un copia de Windows ` New Technology´ , clamada Windows NT.
  • Mosaic, la surfador grafica prima per WWW, es lansada sin costa par NCSA,(National Centre for Supercomputing Applications) a la Universia de Illinois.
  • Presidente de SUA Bill Clinton e Socks, la gato prima de Interede, ariva enlinia con la lansa de loca de rede de la White House(Casa Blanca).
  • Apple perde final se suplica de aspeta-e-senti contra Microsoft and Hewlett-Packard, ce ia dura sinco anios.
  • En la RU, un copia eletronica de la jornal the Guardian es lansada per aceles con vide malida. La jornal es enviada tra la note a un pc en la casa de usor e es primida en Braille o parlada par un sintedador de parla.
  • 1994: Cyberia es abrida en London, England, furninte cafe con asede a la Interede: el reclama es la sibercafe prima en mundo.
Cyberia_Internet_Cafe, London
  • 1995: Microsoft lansa Windows 95 per sustitui Windows 3.
  • Sun anunsia la lingua de pc Java . Sona es ajuntada a la WWW cuando Progressive Networks lansa la programa RealAudio.
  • 1996: Microsoft lansa Windows CE sistem de opera per pc portable de mano. Matsushita Electric Industrial Co Ltd e Toshiba lansa la lejador prima DVD(Digital Video Disc) comersial. IBM introdui deep Blue, developada de Deep Thought macina de xace, ce concista la mestre rusce Garry Kasparov en xace, per la ves prima ma final Kasparov gania la max 4-2.
  • 1997: Intel introdui la prosedador Pentium II . En la SUA , un atenta de pone un lege per controla la Interede, intende de preveni asede a la materia sesal, es refusada como nonconstitual.
  • Deep Blue de IBM gania contra mestre Garry Kasparov en un max par 3.5-2.5.
  • 1998: la torneo prima es instalada en un grupo de juores profesal de juas de pc.