WWW

De Vicipedia

La WWW (pronunsiada "wa-wa-wa" – un corti de la nom engles World-Wide Web – o rede mundal) es un sistem de documentos liada entre se, cual on asede par la interede, usante un programa nomida un surfador.

Documentos de ueb es nomida "recursos" (o "resource" en engles), un terma cual inclui no sola testos, ma ance imajes, filmas, e otra spesies de informa. Cada ave un "adirije" – un nom cual identifia lo en un modo unica en la mundo. Tecnical, un adirije es nomida URL (de engles per "Locador Uniforma de Recursos").

La ueb es la parte la plu grande e importante de la interede, e, a multe veses, on usa la nom "ueb" per refere a la interede intera. Ma en realia, la ueb es sola un de multe servis de la rede. Un otra servi, per esemplo, es la e-posta.

La siensiste engles Tim Berners-Lee ia inventa la WWW en 1898. El ia scrive la surfador prima en 1990 cuando el ia es empleada a CERN en Suiz. La surfador ia es presentada estra CERN en 1991, prima a otra grupos de rexerca, e alora a la publica jeneral en agosto 1991.