Cranio

De Vicipedia

La cranio es un strutur ososa cual formi la testo en vertebratos. Lo suporta la strutures de la fas e furni un caveta protejente per la serebro. La cranio es composada de du partes: la neurocranio e la mandibula o, en umanas, la viserocranio o sceleto fasal, cual inclui la mandibula como sua oso la plu grande

La cranio formi la parte de la sceleto la plu anterior e es la produida de sefali, pd caxinte la serebro e strutures sensal como la oios, oreas, nas, e boca. En umanas, esta strutures es parte de la sceleto fasal, e ia evolui de la anterior a la superior parte de la corpo.

Funsiones de la cranio inclui la proteje de la serebro, la fisa de la distantia entre la oios per permete vide stereoscopial, e la fisa de la oreas per permete locali de la dirije e distantia de sonas. En alga animales, como alga ungulatos, la cranio ave ance un funsion defendente par furni un monta (a la oso frontal) per la cornos.

La cranio es composada de alga osos plata e fusada, e conteni multe foras, fosos, protendes, e alga cavetas o sinuses. En zolojia, on ave ance abridas en la cranio nomida fenetras.

La cranio umana de un adulte es composada normal de 22 osos. Estra la mandibula, tota osos de la cranio es juntada con lunlotra par sutures, articulas semirijida formida par osi. La esiste de fibres de Sharpey permete un poca flexablia. La osos en la imaje a destra:

Un imaje de la cranio umana
  • Frontal
  • Parietal
  • Osipital
  • Temporal
  • Sfenoide
  • Etmoide
  • Nasal
  • Larmal
  • Zigomatal
  • Masila
  • Mandibula