Consilio de securia de Cazacstan
La Consilio de securia de Cazacstan (cazac: Қазақстан Республикасының Қауіпсіздік Кеңесі, Qazaqstan Respýblıkasynyń Qaýipsizdik Keńesi rusce: Совет безопасности Республики Казахстан) es un organo conselante constitual de la governa cazac cual aida la presidente de Cazacstan en la implica de la politica militar e la enforsa de la lege.
La presidente, ci es la comandor en xef suprema de la Fortes militar de Cazacstan, es un de multe membros permanente de la consilio, cual inclui la ministro de defende e la xef de la stato major. La consilio es gidada par sua presidente, corente la pasada presidente Nursultan Nazarbayev, ci (de 2018) ocupa esta posto a vive.[1][2][3][4][5] La secretor de la Consilio de securia (corente Kalmukhanbet Kassymov)[6] es la posto du la plu alta en la consilio.
Istoria
[edita | edita la fonte]La consilio de securia orijina a la 21 de agosto 1991, cuando lo ia es fundida como la Consilio de securia de la Republica Sosialiste Soviet de Cazacstan, cual ia es creada par la comanda de Presidente Nazarbayev. Lo ia es pos cambiada en la Consilio de securia de la Republica de Cazacstan la junio 1993. La autoria e la regula corente de la Consilio de securia ia es aprobada par la governa la 30 marto 1999.
La ofisia de la Secretor de la Consilio de securia es la xef eficas de la consilio ci reporta a la presidente. La posto ia es introduida la junio 1994 e resta es un composante importa de la Consilio de securia. Un altera asetada par la parlamento la maio 2018 defini la desides creada par la consiliom per es "obligante e es propensada a esecuta seria par la organos, organizas e ofisiores de la Republica de Cazacstan".[7]
Autoria
[edita | edita la fonte]La Consilio de securia de Cazacstan ave la seguente autorias:
- De garantia ce la presidente ave controla total per eserse sua potia de la securia nasional.
- De formi e enforsa un politica de securia nasional.
- De recomenda elejables ante fa desides per problemes de politicas interna e esterna pertine a securia nasional.
- De prepara la reali de acordas internasional ce repete a securia nasional.[8]
Membros
[edita | edita la fonte]La membros permanente de la Consilio de securia inclui la seguente:
- Nursultan Nazarbayev (pasada presidente e presidente a vive)
- Presidente
- Ministro xef
- Xef de la maneja presidental
- Secretor de la Consilio de securia
- Presidente de la Comite de securia nasional
- Ministro esterna
- Ministro de defende
Otra membros inclui:
- Presidente de la Parlamento
- Presidente de la Senato
- Dirijor de la Departe de securia esterna
- Ministro de internas
- Xef de la stato major
Referes
[edita | edita la fonte]- ↑ https://web.archive.org/web/20190320123118/https://zik.ua/news/2019/03/19/nazarbaiev_pozhyttievo_ocholyt_radu_bezpeky_kazahstanu_1532473
- ↑ https://prm.ua/nazarbayev-zalishiv-sobi-klyuchovu-posadu-u-silovomu-blotsi-kazahstanu/
- ↑ https://ua.krymr.com/a/news-nazarbaev-dovichno-zalyshytsya-golovou-rady-bezpeky-kazahstanu/29830404.html
- ↑ https://www.rferl.org/amp/kazakh-parliament-adopts-bill-grant-nazarbaev-life-chairmanship-security-council/29261112.html
- ↑ https://astanatimes.com/2018/07/kazakh-president-given-right-to-head-national-security-council-for-life/
- ↑ https://web.archive.org/web/20191204140627/http://www.akorda.kz/ru/executive_office/executive_office_stucture/senior_leadership/pomoshchnik-prezidenta-sekretar-soveta-bezopasnosti-respubliki-kazahstan-kasymov-kalmuhanbet-nurmuhanbetovich
- ↑ https://astanatimes.com/2018/07/kazakh-president-given-right-to-head-national-security-council-for-life/
- ↑ https://web.archive.org/web/20160404020931/http://www.akorda.kz/ru/executive_office/presidential_councils/sovet-bezopasnosti