Cleopatra

De Vicipedia
Egipte ptolemean (jala)
Sculta de Cleopatra 7
Desinia de Cleopatra 7
La mori de Cleopatra, par Jean-Baptiste Regnault, 1796/7

Cleopatra 7 Philopator (elinica koine: Κλεοπάτρα Φιλοπάτωρ, 69 a 30 aec, rena 51 a 30 aec) ia es a renor ativa final de la Rena Ptolemean de Egipte. Como un membro de la dinastia ptolemean, el ia es la desendente de Ptolemeo 1 Soter, un jeneral elinica e macedonian, e camerada de Alexandro la Grande. Pos la mori de Cleopatra, Egipte ia deveni un provinse de la Impero Roman.

Sua ensenior privata en sua enfantia ia es Philostrato, de ci el ia aprende la artes elinica de retorica e filosofia. En sua jovenia, Cleopatra probable ia studia a la Museo (Alexandria), incluinte la Biblioteca de Alexandria. Sua lingua propre ia es elinica coine, ma el ia es la sola renor ptolemean ci ia aprende la lingua egiptian.

En 58 aec, Cleopatra ia acompania sua padre, Ptolemeo 12 en sua esclui a Roma pos la revolta en Egipte (alora un stato dependente de Roma. Esta ia permete de sua fia Berenice 4 per prende la trono. Berenice ia es matada en 55 aec cuando Ptolemeo ia reveni a Egipte con aida par la militaria roman. Cuando el ia mori en 51 aec, la rena juntada de Cleopatra e sua frate Ptolemeo 13 ia comensa, ma un disputa entre los ia resulta en un gera interna. Pos perde la Batalia de Farsalo en Elas de 48 aec contra sua competor Julio Cesar (alora un tirano e consul) en la Gera Interna de Cesar, la statiste roman Pompei ia fuji a Egipte. Pompei ia ave un alia political en Ptolemeo 12, ma Ptolemeo 13, con la urje de sua eunucos, ia fa ce Pompei ia es embosceda e matada ante cuando Cesar ia ariva e ocupa Alexandria.

Alora, Cesar ia atenta reconsilia la conasedas ptolemean, ma Poteino, la conselor per la ptolemeanes, ia vide la acorda ofreda par Cesar como favorente Cleopatra, donce sua fortes aseja Cleopatra e Cesar a la palasio. Cuando la aseja ia es parada, Ptolemeo 13 ia mori en la Batalia de la Nilo de 47 aec. La duisore de Cleopatra, Arsinoe 4,ia es escluida ultima a Efeso per sua rol en organiza la aseja. Cesar ia declara ce Cleopatra e sua frate Ptolemeo 14 es la renores juntada, ma ia manteni un relata de ama privata con Cleopatra, cual ia produi un fio, Cesarion. Cleopatra ia viaja a Roma como un rea dependente en 46 e 44 aec, do el ia reposa a la casa campanian de Cesar. Pos la asasinas de Cesar e Ptolemeo 14 (cual ia es comandada par Cleopatra), el ia nomi Cesarion como co-renor.

En la gera interna de 43-43 aec, Cleopatra ia alia se con la truple du de Roma, formida par la Octavian (la dusobrino e eritor de Cesar), Marco Antonio, e Marco Emilio Lepido. Pos sua encontra a Tarso en 41 aec, la rea ia ave un relata de ama con Antonio. El ia condui la mata de Arsinoe (par la demanda de Cleopatra), e deveni cresente dependente de Cleopatra per suporta finansial e aida militar en sua invades de la Impero Partian e la Rena de Armenia. La donadas de Alexandria ia declara sua enfantes Alexandro Helio, Cleopatra Selene 2, e Ptolemeo Filadelfo como renores supra teritorios variosa su la autoria de Antonio. Esta aveni, sua sposi, e la divorsa de Octavia Minor, la sore de Octavian, ia resulta en la Gera Final de la Republica Roman. Octavian ia condui un gera de propaganda, ia forsa la alias de Antonio en la Senate Roman per fuji de Roma en 32 aec, e ia declara gera sur Cleopatra. Pos defeta la marina de Antonio e Cleopatra en la Batalia de Actio, la fortias de Octavian ia invade Egipte en 30 aec e ia defeta Antonio, cual ia resulta en sua suiside. Cuando Cleopatra ia aprende ce Octavio ia intende trae el a sua prosede de vinse en Roma, el ia mata se par venena (e no con un serpente, como crededa popular).

La lega de Cleopatra ia survive en obras de arte, antica e moderna. Istoriografia roman e poesia latina ia produi un vista detaliada de la rena cual ia permea la leteratur medieval e renase. En la artes vidable, sua representas antica inclui bustos roman, depintas, e scultas, cameos, moneta ptolemean e roman, e relevas. En la arte de la renase e la eda baroca, el ia es la sujeto de multa obras, incluinte operas, depintas, poesias, scultas, e dramas teatral.