Cet (lingua)

De Vicipedia
Jump to navigation Jump to search
Foto de un familia cet ante sua tenda fabricada de cortex de betul, de un viaja en 1913 par la esploror Fridtjof Nansen

La lingua cet (ance nomida imbac o ostiac de ienesei) es un lingua isolada de Sibir, la sola lingua survivente de un familia ieniseian. Lo es parlada longo la basin de la rio Ienisei par la popla cet.

La lingua es menasada par estingui: la cuantia de cetes ci es parlores nativa de la lingua ia cade de 1225 en 1926 a 537 en 1989. Pos esta, la cuantia ia cade a 150. Un otra lingua ieneseian, diuc (o yugh), es estinguida resente.

Cet usa sinifica la incorpora, pd la combina de parolas per indica varias gramatical e sinifiante. Incorpora no es limitada a nomes, ma pote ance inclui verbos, averbos, ajetivos, e morfemes nonautonom. La varias inclui:

  • Incorpora nomin, usada la plu comun per descrive la parte strumental de un ata, ma a veses usada per descrive pasientes.
  • Incorpora verbin, o plu esata, la incorpora de infinitivas, es usada per sinifia aspeta e per formi verbos causal. La infinitiva incorporada pote trae elementos incorporada de se mesma.
  • Incorpora ajetivin es usada con un ajetivo incorporada cual describe la gol o state final de un ata.
  • Incorpora averbin es usada con un averbo local cual descrive la dirije o via de un move.

La popla cet ia es coletivida e ultima enviada a scolas abitada cual instrui los sola en rusce, de la desenios de 1930 a 1960. Aora, cet es enseniada como un sujeto en alga scolas prima, ma sola adultes plu vea es fluente e poca eleva sua enfantes en la lingua. Kellog, Rusia, es lo sola loca do cet es ancora enseniada en scolas. Libros spesial es furnida per grados du tra cuatro, ma pos esta grados on ave sola leteratur rusce cual descrive la cultur cet per leje. Cet ave no parlores nativa.