Catedral (jua)

De Vicipedia
Jump to navigation Jump to search
Catedral

La jua Catedral es un jua de table, astrata e stratejia, en cual du juores (oscur e pal) atenta gania par ocupa la plu teritorio en la bordas de un site medieval.

Catedral ia es inventada entre 1962 e 1979 par Robert Moore (1942 - 1998), un pilote en la Forte de Aira de Zeland Nova. El ia es inspirada par la Catedral de Christchurch e sua ambiente. De la aira, Moore ia es fasinada par la modo en cual la catedral e sua construidas visina caxi bon, como pesos de un puzel. El ia imajina un jua en cual juores ta atenta pone construidas entretexeda sirca la catedral.

En 1979, el ia presenta un varia prototipal a Brightway Products, un compania de juas e juetas de lenio en Zeland Nova. La jua continua es produida par Chrisbo I.P. Holdings Limited en Zeland Nova.

La Jua[edita | edita la fonte]

La gol de la jua es per catura teritorio sur la table de jua, cual permete ce tu pone tota tua pesos, en cuando preveni sua oposor de fa la mesma.

Catedral es juada sur un table de lenio divideda entre un grilia de 10 x 10. On ave 29 pesos, divideda entre 14 pesos oscur e 14 pesos pal, e un peso cual representa la catedral gris. La juor pal comensa par pone la catedral a cualce loca de la area, liniada con la cuadros. Seguente, la juor oscur comensa par pone un de sua pesos sur la table. Jua alterna entre la du juores asta un juor no pote ajunta un otra peso. A esta punto, la otra juor atenta pone tota de sua pesos restante en area el ia catura.

Juores pote catura teritorio en la site par enclui areas completa con sua pesos o sua pesos e la mures de la site. La bordas debe es "mur a mur"; si du pesos toca sola par sua cantos, lo no enclui cualce cosa. Si la teritorio caturada ave un e sola un de la pesos de la oposor (o la catedral), acel peso pote es sutraeda de la table, e la oposor no pote pone cualce pesos en acel area. Un peso sutraeda pote reveni a la jua plu tarda, ma la catedral no pote reveni. Si la teritorio conteni plu ca un peso (incluinte la catedral), la teritorio no es caturada e es disponable a la oposor per usa.

Lo es stratejial per usa sua pesos grande prima, e no pone pesos en spasios tu ia catura asta tu no ave pesos restante cual caxi en la areas noncaturada.

La ganior es la juor ci maneja pone tota sua pesos, en cuando preveni sua oposor de fa lo. Si no juor es capas tota sua pesos, alora la juor de ci sua pesos resta ta completa un area plu peti es la ganior. Cuando los vole jua ancora, juores alterna la pone de la catedral. A la fini de cada jua, cada juor reseta puntos per la cuantia de cuadros restante a sua oposor ta ocupa.

On ave 29 pesos, divideda entre 14 pesos oscur e 14 pesos pal, e un peso cual representa la catedral gris