Castalia (mitolojia)

De Vicipedia
Jump to navigation Jump to search
La rituo de acua a la fonte en Delfi

Castalia, en mitolojia elinica, ia es un nimfa de acua, un fia de Acelo ci ia abita la fonte Castalia en Delfi. En tradisiones plu vea, la fonte ia esiste ante Apolo ia veni a Delfi xercante Piton. Seguente alga, la acua ia es un dona a Castalia de la rio Cefiso. La poesiste Lactantio Placido nara ce, per evade la avansas amosa de Apolo, Castalia ia muta se a un fonte a Delfi, a la basa de monte Parnaso, o a monte Helicon. Castalia ia deve inspira la jenio de poesia a los ci bevi de sua acua o ia escuta sua sonas cuieta. La acua santa ia es ance usada per lava la templos de Delfi. Apolo ia santi Castalia a la Musas.

La autor deutx de la sentenio 20, Hermann Hesse, ia usa Castalia como la inspira per la nom de la utopia imajinada en sua obra mestral de 1943, La jua de perletas de vitro. Castalia es la abita de un ordina sever de inteletos con un mision de du partes: per condui scolas abitada per xicos, e per nuri e jua la jua de perletas de vitro.