Cascades Niagara

De Vicipedia
La tre cascades cual composa la Cascades Niagara

La Cascades Niagara es la nom per un colie de tre cascades cual monta la borda internasional entre la provinse canadian de Ontario e la stato suan de Nova York. Los forma la fini sude de la Canion Niagara. De la plu grande a la plu peti, la tre cascades es la Cascade Horseshoe (fero de cavalo), la Cascade American, e la Cascade Bridal Veil (velo de sposa nova). La Cascade Horseshoe es sur la borda, e la otras es en la SUA, con la Isola Luna entre los.

Locada sur la Rio Niagara, cual drena la Lago Erie (pron. iri) en Lago Ontario la cascades combinada forma la rapidia de core la plu grande de cualce cascade en America Norde con un cade vertical de plu ca 50 m. Cuasi 168,000 m3 de acua cade de la cresta de la cascade a cada minuto. Cascade Horseshoe es la cascade la plu potiosa en America Norde, como mesurada par rapidia de core.

La Cascades Niagra ia es formida cuando la glasias ia retrosede a la fini de la fini de la Eda Glasial Wisconsin, e acua de la Lagos Grande nova formida ia talia un via tra la Presipe Niagara en via a la Mar Atlantica. La cascades es famosa per sua belia e como un fonte de potia idroeletrical. Trova un ecuilibria entre la usos recreal, comersial, e industrial ia es un taxe difisil per la manejores de la cascades de la sentenio 19.