Capoeira
Capoeira es un arte marcial/dansa/jua, orijinante entre la sclavos african de America Sude e Brasil. Brasil ia contribui la plu multe a la migra de sclavos, con 42% de tota ci ia traversa la Atlantica. Estas ia inclui los de Angola, Congo e Mosambic, etc.
La du tipos xef de capoeira es nomida "angolan" e "rejional". Ambos usa la musica de la berimbau e atabaque, pandeiro e agogo, ma ambos es juada en maneras diferente.
Angolan, cual ia deveni fama par Mestre Pastinha, es jeneral plu lenta. La capoeiristas atenta prende la otra con colpas, incluinte colpas de la testa. Maxes pote dura tra multe oras!
Rejional, en oposa, es sempre rapida juada, e es distinguida par colpas alta con la pedes. Mestre Bimba ia developa esta stilo.