Camera

De Vicipedia
Un 1966 Canon FT camera con un lente de 135mm 1:3.5
Un 2016 Nikon D810

Un camera es un aparato otical per rejistra o xuta imajes, cual pote es retenida local, transmeteda a un otra loca, o ambos. La imajes pote es fotos individua o segues de imajes composante videos o filmas. La camera es un aparato de teledeteta car lo deteta sujetos sin cualce contata. La parola camera veni de camera obscura, cual sinifia 'cambra oscur' e es la nom latina de la aparato orijinal per projeta un imaje de realia esterna sur un surfas plana. La camera fotografial moderna ia evolui de la camera obscura. La funsionas de la camera es vera simil a la funsionas de la oio umana. La foto permanente prima ia es fada en 1826 par Joseph Nicéphore Niépce.

Descrive funsional[edita | edita la fonte]

Elementos fundal de un camera moderna de foto

Un camera funsiona con la lus de la spetro vidable o con otra partes de la spetro eletromagnetal.[1] Un camera de foto es un aparato otical cual crea imajes sola de un ojeto o sena e reteni lo sur un sensador eletronical o filma fotografial. Tota cameras usa la mesma desinia fundal: lus entra un boxe encluida tra un lente converjente/convesa e un imaje es retenida sur un media fotosensante (xef un alojenido de metal de cambia). Un mecanicisme de cluador controla la tempo entre cual lus pote entra la camera.[2] La plu de cameras fotografial ave funsionas cual permete un person a vide la sena desirada retenable, permete la foca sur un parte desirada de la sena, e controla la esposa afin lo no es tro brilia o tro oscur.[3] Un scermo, frecuente un scermo de cristal licuida (LCD), permete la usor a vide la sene desirada retenable e ajustas per esemplo sensosia ISO, esposa, e tempo de cluador.[4][5]

Un camera de filma o videador funsiona simil a un camera de foto, estra lo reteni un segue de imajes statical en serie rapida, comun a un frecuentia de 24 moldures per secondo. Cuando la imajes es combinada e mostrada en serie, la ilude de move es atenida.[6]

Referes[edita | edita la fonte]

  1. Gustavson, p VII
  2. Young, Freedman & Ford, p 1182-1183
  3. London, Upton, Kobré & Brill, p 4
  4. London, Upton, Kobré & Brill, p 6-7
  5. Burian & Caputo, p 12
  6. Ascher & Pincus, p 4