Fotografia

De Vicipedia
Per plu, vide categoria fotografia
La Musée de l'Elysée, la museo prima cual esibi fotografes

Fotografia es la siensa, arte, aplica, e pratica de crea imajes par rejistra lus o otra raios eletromagnetal, o eletronial par la usa de un sensador de imajes, o cimical par la usa de un materia sensosa a lus como filma fotografial.

Tipal, un lente es usada per foca la lus refletada o emetada de ojetos sur un surfas sensosa a lus en un camera entra un esposa de tempo mesurada. Con un sensador eletronical, esta produi un carga eletrical a cada pixel, cual es prosededa eletronical e reservada en un fis dijital per mostra o prosede plu tarda.

La resulta cuando on usa un emulsion fotografial es un imaje prima nonvidable, cual es plu tarda "developada" cimical como un imaje vidable, o negativa o positiva, dependente de la intende de la material fotografial e la metodo de prosede. Un imaje negativa sur filma es tradisional usada per crea un imaje positiva sur paper par usa de un grandador o par contata direta.

Fotografia es usada en multe campos de siensa, fabrica, comersia, e comunica. Plu direta lo es usada en arte, en la produi de filmas e video, e como un pasatempo.