Biocimica

De Vicipedia

Biocimica es la studia de prosedes chemical relatada a viventes.

Biocimica es multe relatada a biolojia moleculal, la studia de mecanicisme moleculal per cual informa jenetical codigida en la adn pote resulta la prosedes de la vive. Dependente de la defini esata de la termas usada, la biolojia moleculal pote es videda como un ramo de biocimica, o biocimica como un util per investiga e studia biolojia moleculal.

Multe de biocimica trata strutures, funsionas e la interatas de macromoleculas biolojial, como protenas, asidas nucleal, carboidratos e lipidos, cual furni la strutur de la selulas e fa multe de la funsionas asosiada con la vive. La cimica de la selula depende ance de la reatas de moleculas e iones plu peti. Esta pote es nonorganica, per esemplo acua e iones metal, o organica, per esemplo la aminoasidas, cual es usada per sintese protenas. La mecanicismes par cual la selulas arnesi enerjia de la ambiente par reatas cimical es conoseda como metaboli. En nuri, on studia la modo de manteni sania e la efetos de mancas nural. En cultiva, biocimicistes studia solo e fertilintes, e atenta descovre formas de boni la cultiva de granes e la controla de pestes.

Materias comensante: la elemento cimical de vive[edita | edita la fonte]

La elementos xef cual composa la corpo umana es mostrada de la plu abundantes (par masa) a la min abundantes.

Sirca du desduples de la 92 elementos cimical frecuente natural es esensal per tipos diversa de vive biolojial. Elementos plu rara en la Tera no es nesesada per vive (estra selenio e iodo), an si alga comunes (aluminio e titanio) no es usada. La plu de organismes comparti nesesas de elementos, ma on ave alga diferes entre plantas e animales. Per esemplo, la alges de mar usa bromo, ma la plantas de tera e la animales pare no nesesa lo. Tota animales nesesa sodio, ma alga plantas no. La plantas nesesa boro e silico, ma la animales no (o los nesesa cuantias ultrapeti).

Sola ses elementos (carbono, idrojen, nitrojen, osijen e fosfor) composa cuasi 99% de la masa de la selulas vivente, incluinte en la corpo umana. En ajunta a la ses elementos xef cual composa la plu de la corpo umana, la umanas nesesa cuantias peti de cisa 18 plu.

Biografia[edita | edita la fonte]

  • Lubert Stryer, Jeremy Mark Berg, John L. Tymoczko (trad. Serge Weinman) (2003) Biochimie, éditions Flammarion, Médecine-Sciences.