Baghdad

De Vicipedia
Jump to navigation Jump to search

Baghdad

Haifa street, as seen from the medical city hospital across the tigres.jpg
Pais Irac
Rejion
Area 204.2 km²
Popla 8 765 000 ab. (2016)
Densia abitores/km²
BagdadOpenStreetMap.jpg

Baghdad es la capital de Irac, e es locada a la rio Tigris. Lo ia ave 6,554,126 abitores en la anio 1987. Baghdad es la site xef de fabrica de la pais, con refinerias de olio, prosederias de comedas, bronzerias, e fabricas de stofas. Un strutur istorial es la ruinas de Bab al Wastani, la porton final de la portones famosa de Baghdad. A alga cilometres a norde de Baghdad on trova la Cazimia, notable per sua mascita merveliosa cual conteni la tombas de gidores relijiosa.

La mascita e tomba de Abu Hanifa la juror es locada en Adamia prosima. Aora un parte resta de la mascita e la scola de Mirjania (sentenio 14), la scola de Mustansiriya (sen. 13; lo ia es usada como imposteria). Iudis ia peregrina a la tomba de Joxua. A la sude-este, asta la rio on trova la ruinas de Ctesiphon, capital de Parthia de 250 aec – 22 ec e de la impero sasanian de 226 – 641 ec.

Baghdad ia es construida par la Califa Abasan al Mansur en 762. En la 50 anios seguente, la site ia ariva a un culmina de influe e gloria su la califa Harun ar-Raxid, de ci sua rena ia es selebrada en la naras conosable de Notes arabi. En esta periodo la site ia sperde a la costa este de Tigris, cual ia deveni alora la cor de Baghdad.

Mongoles ia ocupa la area asta cuando Baghdad ia es controlada par la farsis en 1508. Lo ia es caturada par la osmanianes, ci ia rena Baghdad de 1534 tra tre sentenios. En 1917 fortes brites ia prende Baghdad de la osmanianes. En 1917 Baghdad ia es proclamada como la capital de la rena Irac, nova creada.