Amiria de Bari

De Vicipedia
Jump to navigation Jump to search
Concista de Bari en 871 par soldatos franses e lombard gidada par la Imperor Louis 2.

La Amiria de Bari ia es un stato political-militar sentrida en la site Bari, en la sude de Italia. Lo ia es la stato muslim la plu longa en Italia (847–871).

Baria ia es ojeto de atacas arabi o berber en 840 tarda o 841 temprana, cuando lo ia es corta ocupada. Seguente Al-Baladhuri, Bari ia es concistada par Kalfün a la Impero Bizantian. Kalfün ia es probable de la Amiria de Sisilia. La concista ia es videda par muslimes de la mesma epoca como nonimportante, car lo ia es fada par un figur peti sin suporta de otra stato muslim. La seguente a Kalfün, Mufarrag ibn Sallam, ia solisita aida a la califa abasida, al-Mutawakkil, en Baghdad, e a sua governor provinsal de Misre per reconose la concista, cual ia es asetada. Mufarrag ia estende la influe muslim e la area de la amiria.

La amir tre (e la ultima) ia es Sawdan, ci ia oteni la potia s 857 pos la asasina de sua presedor Mufarrag. EL ia invade la Prinsia lombard de Benevento, forsante la prinse Adelchis a paia tribui.

En 864 el a fini ia oteni la indui demandada per Mufarrag. En la media de la desenio de 860, un monce franco nomida Bernard e du acompaniores ia pausa en Bari en un peregrina a Ieruxalim. Los ia susede reseta de Sawdan leteras permetente un pasaje secur tra tota Egipte e la Tera Santa. Seguente la Itenerarium Bernardi, la rejistra de Bernard de la aveni, Bari, la civitatem Sarracenorum, ia ance parteni a la "beneventanes".