Alfred Tennyson

De Vicipedia
Jump to navigation Jump to search
Alfred Tennyson
Lord-tennyson.jpg

Informa personal

Pais: England

Otra informas

Profesa: Poesiste

Alfred Tennyson (6 agosto 1809 – 6 otobre 1892) ia es la Poesiste Laurida de Britan en Er tra multe de la rena de Rea Victoria, e es ancora un de la poesistes brites la plu popular.

El ia esele en scrive testos corta como "The Charge of the Light Brigade" (La ataca de la Brigada Lejera). Multe de sua poesias ia es fundida sur temas de mitolojia clasica, como "Ulysses", ma "In Memoriam A.H.H." ia es scriveda per onora sua ami Arthur Hallam, un poesiste e studiante a Trinity College, Cambridge, pos cuando el ia mori par ataca serebral a la eda de 22. Tennyson ia scrive ance alga poesias nonrimante, incluinte "Ulysses". En sua carera, Tennyson ia atenta drama, ma sua teatrales no ia susede multe.

Alga espresas de la obras de Tennyson ia deveni comun en la lingua engles, incluinte "Nature, red in tooth and claw" (Natur, roja a dente e gara), "'Tis better to have loved and lost / Than never to have loved at all" (Lo es plu bon ce on ia ama e perde / Ca ce on ia ama nunca), "Theirs not to reason why, / Theirs but to do and die" (Los no debe demanda perce, / Los debe ata e mori), "My strength is as the strength of ten, / Because my heart is pure" (Mea fortia es como la fortia de des, / Car mea cor es pur), "To strive, to seek, to find, and not to yield" (Labora, xerca, trova e no sede), "Knowledge comes, but Wisdom lingers" (La Sabe veni, ma la Sajia resta), e "The old order changeth, yielding place to new" (La ordina vea cambia, sedente sua loca a la nova).

Vive[edita | edita la fonte]

El ia nase en Somersby, Lincolnshire, England, en un linia burjes de Tennysones, ma ia ave ance asendentes nobil e real. Tennyson e du de sua fratones ia scrive poesia en sua anios adolesente, e un colie de poesias par tota tre ia es local publicida cuando Alfred ia ave sola 17 anios.

En 1850, pos la mori de William Wordsworth e la refusa de Samuel Rogers, on ia asinia Tennyson a la posto de Poesiste Laurida. El ia resta en la posto asta sua propre mori en 1892, la periodo la plu longa de cualce laurida o a ante o a pos. Tennyson ia sasia la esijes de esta posto par produi poesias conveninte ma comun noninspirada, como un poesia de saluta a Prinsesa Alexandra de Danmarc cuando el ia ariva en Britan per sposi la re futur Edward 7.

En 1855, Tennyson ia scrive un de sua obras la plu bon conoseda, "The Charge of the Light Brigade", un tribui dramosa a la cavalores envolveda en un ataca nonsaja a 25 otobre 1854, en la Gera Crimsce.

Lia esterna[edita | edita la fonte]