Alah

De Vicipedia
Jump to navigation Jump to search
Allah-green-transparent.png

Alah es la nom xef de la dio de Islam, sinifiante "la Dio". La cualia xef de Alah es sua unicia. La nom es usada a multe veses en la Curan.

Etimolojia[edita | edita la fonte]

La etimolojia de la parola Allah ia es discuteda par la filolojistes arabi clasica. Gramaticistes de la scola de Basra ia vide lo como formida "spontan" (murtajal) o como un forma definida de lāh (de la radis verbal lyh con la sinifia de "alta" o "ascondeda".

Usa[edita | edita la fonte]

Arabis premuslim[edita | edita la fonte]

La varias rejional de la parola Alah aveni en enscrives pagan e cristian premuslim. Teorias diferente ia es proposada consernante la rol de Alah en la cultos politeiste premuslim. Alga autores ia sujesta ce la arabis politeiste ia usa la nom per refere a un dio creor o dio suprema de sua panteon. La parola ta pote es vaga en la relijio de Maca. Seguente un ipotese, cual data de Julius Wellhausen, Alah (la dio suprema de la federa tribal sirca Coraix) ua es un identifia cual ia santi la superioria de Hubal (la dio suprema de Coraix) sur la otra dios. An tal, on ave ance evidentia ce Alah e Hubal ia es du dios diferente. Seguente esta ipotese, la Caba ia es santida un a un dio suprema nomida Alah e a pos ia ospita la panteon de la Coraix pos sua concista de Maca, un sentenio ante la tempo de Muhammad. Alga enscrive pare indica la usa de Alah como un nom de un dio politeiste sentenios ante, ma on conose nada esata sur esta usa. Alga eruditas ia sujesta ce Alah ta pote representa un dio creor distante ci ia es eclisida par dios plu local. On ave desacorda sur si Alah ia ave un rol xef en la culto relijiosa de Maca. On no conose un representa iconin de Alah. La nom de la padre de Muhammad, ʿAbd-Allāh, sinifia "sclavo de Alah".