Agila

De Vicipedia
La agila oro (Aquila chrysaetos)

Agila es la nom comun per multe avias grande xasante de la familia Accipitridae. Los parteni a alga grupos de jenera, no tota de los prosima relatada. La plu de la 60 spesies es de Eurasia e Africa. Estra esta area, sola 14 spesies pote es trovada: du en America Norde, nove en America Sude e sentral, e tre en Australia.

La corpo de la agila es potiosa, con testas e becos pesosa. Los ave becos oncin grande per lasera la carne de sua preda, gamas forte e musculosa, e talones forte. La fema de tota spesies de agilas es plu grande de la mas. Per sua grandia e potia, los es ordinada a la culmina de la cadena de comedas en la mundo de avias.

La oios de la agila es multe potiosa. Lo es estimada ce la agila militar (Polemaetus bellicosus), de ci sua oio es plu ca du veses tan longo como un oio umana, e on ave un agia vidal de 3.0 a 3.6 vesesa lo de umanas. Esta agia permete agilas per vide sua predas de distantias multe longa. La agia es atribuida xef a la pupiles multe grande cual garantia minima difrata de la lus entrante.