Zoroastrisme

De Vicipedia
Jump to navigation Jump to search
Zoroastra

Zoroastrisme es la relijio e filosofia fundida en la instrui de la profeta Zoroastra. La crede major es la crede en la dio ultima, clamada Ahura Mazda, la creor de la universo. La relijio ia es la relijio plu potiosa en Persia antica, ma aora ave sola sirca 200,000 credores, la plu de los en India e Iran.

Zoroastra es de la nom Avestan Zaraθuštra, de Irani antica *zarat-uštra, ce sinifia probable pastor de cameles. El es ance clamada Ζωροάστρης (Zōroastrēs) en Elinica, e زرتشت (Zartosht) en Persian. El ia es un scrivor relijiosa en Persia antica, sirca la sentenio 6 aec. El ia organiza la dios e devas de la relijio comun de la eda e loca, e ci ia asentua un ordina en cual Ahura Mazda es la dio ultima. La dio ave du "fios," Angra Mainyu, ci represente la mal de la universa, e Spenta Mainyu, ci representa la bon de la universo. Esta es un de la ideas asentuada en zoroastrisme: la luta entre la mal e la bon. Ance, Ahura Mazda ia crea sete dios minor clamada la Amesha Spentas, cual representa aspetas de la universa, e multe otra spiritos.

La relijio asentua la idea ce nos ave un vole libre e pote eleje bon o mal en nos fadas. En la tempo final, la bon va vinse la mal, e tota spiritos umana va abita con dio - incluinte los ci ia fa mal e ia abita en la oscuria!

Un cualia de zoroastrisme comun notada es la pratica de adora dio con foco. Zoroastristes no adora la foco, ma usa el como un simbol de la bon. zoroastristes no atenta cambia otras a sua relijio, e sola la enfantes de zoroastristes deveni zoroastriste se mesma. Lo es par esta causas ce la numeros de zoroastristes ia deveni tan poca.