Zaratustra

De Vicipedia

Zaratustra (avestan: 𐬰𐬀𐬭𐬀𐬚𐬎𐬱𐬙𐬭𐬀Zaraθuštra), ance conoseda como Zoroastra (elinica: Ζωροάστρης Zōroastrēs) ia es un xef spirital e filosofiste de etica de Iran antica, ci ensenia un filosofia spirital de autoreali e reali de la divin. Sua ensenias ia defia la tradisiones esistente de la relijio indoiranian e plu tarde ia developa a la relijio de mazdayasna, zaratustrisme, o zoroastisme. El ia inisia un move cual ia deveni ultima la relijio dominante en Persia antica. El ia es un parlor nativa de avestan vea e abituada la parte este de la plato iranian, ma sua loca de nase es nonserta.

La eda de sua vive no es conoseda. Ma, usante evidentes linguistica e sosiocultural, lo es probable ce el ia vive en la milenio du aec. Alga eruditas crede ce el ia vive plu resente, en la sentenios sete e ses aec, no distante de la eda de Ciro la grande e Dario un. Ultima, zoroastrisme ia deveni la relijio ofisial de Persia e sua sudivides seguente de la sentenio ses aec a sentenio sete ec. Zaratustra es videda como la autor de la Gatas, la "biblia" de Zoroastrisme, e ance la Yasna Haptanghati, imnos composada en avestan vea. La plu de sua vive es conoseda de esta testos.