Xace baroca

Xace baroca es un varia de xace inventada en 1962 par Robert Abbott. Lo es ance conoseda como ultima. Alga varias de xace baroca esiste ance.

Xace baroca es tipal juada sur un table 8 par 8, con pesos de xace normal. Un tore es inversada per representa un jelador. La gol de la jua es la catura de la re de la juor oposante.

En un varia popular a la Universia de Cambridge ave du deside per la juores ante jua comensa: simetria sentral e simetria angulo. Simetria sentral permete cada juor per deside esce lo intercambia la loca de sua re e sua retirador (la rea). Simetria angulo nesesa ce cada juor deside cual de sua "tores" ta es inversada. La tore normal es la coordinador; la tore inversada es la friador. Pos acel simetrias es determinada, blanca move prima.

En xace baroca, la re es la sola peso cual es limitada a un move de un cuadro, en cualce dirije. Tota otra pesos major pote move como la rea en xace moderna. La peones move como la tore en xace moderna, e no pote move diagonal. Peones es nunca levada.

Modas de catura

• La re catura como el move, e como la re en xace moderna.
• La retirador (representada par la rea) catura par move direta a via de un peso visina (pd un cuadro a via).
• La imitador (representada par la bispos) catura un peso par move como la modo en cual acel peso pote catura.
• La saltadores (representada par la cavalos) catura par salta supra un peso oposante en un linia ortogonal; el pote fa caturas multiple en la mesma linia si cada peso es separada saltada.
• La coordinador (representada par la tore) catura cualce peso cual es a cualce de la du cuadros a la crusi de sua propre colon e la linia de la re, o a la crusi de sua propre linia e la colon de la re, determinada pos la coordinador ia move.
• La friador (representada par la tore inversada) no catura cualce cosa, ma preveni la move de tota pesos visina de la juor oposante.
• La peon catura pesos oposante ortogonal entre la cuadro a cual la peon ia move e un otra pesos amin.