Wolfgang Amadeus Mozart

De Vicipedia
Wolfgang Amadeus Mozart

Informa personal

Nase: 27 janero 1756, Salzburg
Mori: 5 desembre 1791, Wien
Pais: Osteraic

Otra informas

Profesa: Musiciste

Wolfgang Amadeus Mozart (27 janero 1756 – 5 desembre 1791; batizada como Johannes Chrysostomus Wolfgangus Theophilus Mozart) ia es un de la musicistes la plu importante de la istoria de musica.

En sua vive el mesma no ia usa la nom "Wolfgang Amadeus", ma "Wolfgang Amadé", o a veses, plu o min como broma, "Wolfgangus Amadeus"; la forma moderna de sua nom personal ia es usada sola pos sua moria. A veses el ia usa nomes bromante, per esemplo Edler von Sauschwanz ("Nobil de Coda de Porco"), o Franz von Nasenblut ("Fransisco de Sangue Nasal").

Vive[edita | edita la fonte]

Mozart ia nase en Salzburg, en Osteraic. Sua padre, Leopold Mozart, ia es un violiniste.

Joven, Mozart ia es un enfante multe intelijente. En sua enfantia, el ia comensa ocupa se sur musica: entre sua anios cuatro e ses el ia composa 22 obras musical. A cuatro anios el ia comensa aprende la piano de sua padre, ci ia es un musiciste real en Salzburg. A sinco anios el ia comensa composa obras e ia presenta sua conserta prima ante la popla. A ses anios el ia presenta consertas en Munchen e Wien, e entre sua anios sete e des el ia fa un turi grande de consertas tra Paris e London. A des-du anios el ia es la autor de operas, simfonias e obras musical per strumentos musical diversa (consertos); a des-cuatro anios el ia deveni un membro de la academia famosa de musica en Bologna, Italia.

An si el ia vive tra sola 36 anios, el ia produi 626 obras de musica. El ia mori en Wien.

On ia declara 1991 como "la anio de Mozart" per la aniversario 200 de sua mori.