Velcro

De Vicipedia
Jump to navigation Jump to search

Velcro es un compania privata cual produi fisadores e otra produidas. Lo es conoseda per es la patentor orijinal de la oncianelo.

La injenior eletrical George de Mestral ia inventa sua fisador prima cuando, en 1941, el ia pasea en la bosca e ia demanda se perce la semes de la bardana ia adere a sua jaco e can. El ia descovre ce lo pote es cambiada a alga cosa usosa. El ia rejistra un patenta per sua inventa en 1955 e alora ia refina lo e ia developa la fabrica pratical de lo asta la introdui comersial en la desenio de 1950 tarda.

La fisador es composada de du partes: un banda linial de stofa con oncos peti cual ta "copula" con un otra banda de stofa con anelos peti, liante tempora asta tirada de lunlotra. Orijinal fabricada de coton, cual ia es nonpratical, la fisador ia es ultima construida con nilon e poliester.

De Mestral ia dona la nom Velcro a sua inventada e sua compania, un composa de la parolas franses velour (veluda) e crochet (onca), cual continua fabrica e vende la sistem de fisa.