Txuctxi (lingua)

De Vicipedia
Jump to navigation Jump to search

Txuctxi es un de la linguas txuctxi-camtxatcan parlada par la popla txuctxi en la este estrema de Sibir. Lo es parlada par sirca 7,700 persones, sirca dui de la popla. La txuctxis e sua relatas refere a se mesma como luorawetlat (ԓыгъоравэтԓьат [ɬəɣʔorawetɬʔat]) cual sinifia "popla real". Txuctxi es de la rusce nom Чуко́тский, de la txuctxi čavčəv (чавчыв [tʃawtʃəw]) cual sinifia "un om ci es rica con renos".

En la "Libro Roja", la lingua es en la lista de linguas perilida.

Fonolojia[edita | edita la fonte]

Consonantes:

Plosiva: /p/, /t/, /k/, /q/, /ʔ/
Africante: /tɕ/
Fricante: /β/, /ɬ/, /ɣ/
Nasales: /m/, /n/, /ŋ/
Prosiminte: /ɻ/, /j/

Vocales: /i/, /u/, /e/, /o/, /a/, /ə/

Vocales longa es scriveda como un asentua supra los.

Txuctxi ave "armonia de vocales", pd la vocales en un parola, incluinte afisas, debe es de la mesma grupo, alta o basa: [i, u, e1] e [e2, o, a]. /ə/ no partisipa en armonia. "e1" e "e2" es la mesma sona, ma es tratada come du sonas diferente en la sistem de armonia.

Gramatica[edita | edita la fonte]

Txuctxi es un lingua cual es, per la plu parte, polisintesal e aglutinante, e lo ave un sistem ergativa-asoluta. Lo usa ance la metodo de incorpora (pe combina un nom con un ajetivo) en la estende de vocabula.

Per nomes, on ave marcas per singular e plural e per sirca nove casos: asoluta, ergativa, strumental, locativa, ablativa, alativa, dirije, asosiante, e indicante. Nomes es clasida en tre grupos: nonumanas, umanas respetada e nomes propre, e umanas jeneral. La clase prima marca pluralia cuasi nunca; clase du marca pluralia sempre; e en clasi tre la marca plural es elejable.

Verbos ave tre persones, du cuantias, tre modos (declara, comanda, e dependente), du voses (ativa e antipasiva), e ses tempos: presente continuante, presente statal, pasada simple, pasada perfeta, futur perfeta, e futur nonperfeta. Lo es interesante ce la pasada perfeta usa la forma "per es con", simil a la usa de "ave" per la perfeta en multe linguas european.

En la cadena de verbos, e sujeto e ojeto es indicada, e la acorda con person es espresada diferente en verbos transitiva e nontransitiva, e la acorda es espresada con prefisas e sufisas. Cada combina de person, cuantia, tempo, etc, es espreseda en un modo complicada e no sempre coerente. En ajunta a la formas finita, txuctxi ave formas infinitiva, purposiva (supina), alga formas de jerundo, e partisipios presente e pasada, tota de cual pote es usada con verbos aidante per forma plu construis analitica.

La sistem de numeros ia es orijinal fundida sur 20 e continua a 400, ma la sistem de des ia es introduida per numeros plu alta ca 100 par la influe de rusce. La numeros fundal es comun fundida sur ditos, manos, e soma e sutrae.

La ordina de parolas es multe libre, an si SOV es la norma. La posesor presede normal la poseseda, e posposadas es usada en loca de preposadas.