Tumulo longa

De Vicipedia
Jump to navigation Jump to search
La tumulo longa a Grønsalen sur la isola Møn, Danmarc
Un mapa de la estende de la usa de tumulos longa

Un tumulo longa es un stilo de monumento cual ia es construida tra Europa ueste en la milenios 5 e 4 aec, en la neolitica temprana. Tipal construida de tera e lenio o petra, los usante petra representa la tradision sperdeda la plu vea de construi con petra en la mundo. Sirca 40,000 tumulos longa survive asta oji.

La strutures ave un tumulo longa de tera cual ave du fosos linial a ambos lado cual estende entre 20 e 70 metres de longia. Alga esemplos ave un camera de lenio o petra a un fini de la tumulo. Esta monumentos comun conteni la corpos umana en sua cameras, e donce es comun interpreteda como tombas, an si esta no es la caso en algas.

La esemplos la plu temprana ia developa en Iberia e Frans ueste en la media de milenio 5 aec. La tradision ia sperde alora a norde a Britan, Nederland, e Scandinavia sude. Cada area ia developa sua propre varias de la tradision, comun con sua propre inovas arcitetal. La intendes e sinifias de la tumulos longa es ancora un caso per debate entre arceolojistes. Un sujesta es ce los es locas de relijio, posible erijeda como un parte de un sistem de respeta per asendentes o como un relijio sperdeda par misionores o colonistes. Un otra esplica sujesta ce los ia es marcantes de teritorio, contorni la areas controlada par comunias diferente en cuando los developa cultures de cultiva.