Tripitaka

De Vicipedia

La tripitaka (त्रिपिटक en sanscrito, tipitaka en pali) es la nom tradisional per la scrivedas santa budiste. La varia de budisme teravada es ance nomida la canon pali. Budisme mahaiana ance vide la tripitaka como autoriosa ma, no como la teravadanes, lo inclui ance en sua canon leteratur e comentas variosa derivada cual ia es composada plu tarda.

La tripitaka ia es composada entre 500 aec a sirca la comensa de la eda comun, probable prima scriveda en la sentenio prima aec. La dipavamsa dise ce en la rena de Valagamba de Anuradhapura (29-17 aec) la monces ci ia recorda a ante la tipitaka e sua comentas par vose aora ia scrive los en libros, per evita la menasa de famion e gera. La mahavamsa ance refere corta a la scrive de la canon e la comentas a esta tempo. Cada tradision budiste ia ave sua propre tripitaka per sua moncerias, scriveda par sua sanga, cada colie composada de 32 libros, en tre partes o sestos de instruis: 1. la sesto de disiplina espetada de monces (vinaya pitaka), 2. la sesto de discutes (sutra pitaka, nikayas), e 3. la sesto de prinsipes spesial (abhidharma pitaka). La strutur, la codigo de condui e virtuas moral en a sesto vinaya spesial ave similes a alga de la testos survivente dharmasutra de induisme. Multe de la leteratur tripitaka survivente es en pali, con algas en sanscrito e otra linguas local asian.

La nom "tripitaka" es sanscrito per "tre sestos". "Sestos refere a caxas fabrica de bambu o lenio, cual ia es usada per conteni la manoscritos de folias de palma en cual la tre divides cual composa la canon pali:

  • La pitaka vinaya conteni la regulas de la vive de la monces cual inclui la regulas per vestes e dieta e proibis de alga conduis personal.
  • La pitaka sutra conteni la sermones par Buda en magadhan, un lingua local de India norde-este do Buda ia es naseda e educada. Esta sermones ia es praticada par vose plen en la asembla de la consilio budiste prima pos la parinirvana de la Buda. La instruis ia continua es transmeteda par vose asta los ia es scriveda en la sentenio prima aec.
  • La pitaka abhidharma inclui la analise e interprete, filosofial e psicolojial, de la crede budiste.