Tri Secretas de Fatima

Un sculta relijiosa mostrante la Nonmanxada Cor de Maria, como descriveda par Lúcia Santos.

La Tri Secretas de Fatima es un serie de vide apocalisal e profetis donada a tri joven pastores portuges: Lúcia Santos e su cusines Jacinta e Francisco Marto, par un apare marian, comensante la 13 maio 1917. La tri enfantes ia alega ce la Virjin ia visita los entre maio e otobre 1917. La apare es oji conoseda como Nosa Seniora de Fatima.

Seguente Lúcia, sirca mediadia de 13 julio 1917, la Virjin Maria ia encarga tri secretas a la enfantes. Du de la secretas ia es revelada en 1941 en un documento scriveda par Lúcia, demandada par José Alves Correia da Silva, bispo de Leiria, per aida con la publica de un edita nova de un libro sur Jacinta. Cuando la bispo ia demanda el revela la secreta tre en 1943, Lúcia ia luta per un periodo corta , "no esente ancora convinseda ce Dio ia autori jar clar a el ata". An tal, en otobre 1943, la bispo ia comanda el scrive lo. Alora, Lúcia ia scrive la secreta e ia sela lo en un envelopa cual no ia debe es abrida asta 1960, cuando "lo va apare plu clar". La testo de la secreta tri ia es publicida ofisial par la Pape Joan Paul II en 2000. Algas dise ce lo no ia es la secreta completa revelada par Lúcia, an con repeteda declaras de la Vatican disente la oposante.

Seguente diversa interpretes catolica, la tri secretas implica la Enferno, la Gera Mundal Prima e la Gera Mundal Du, e la persegue de cristianes en la sentenio 20.