Trauma psicolojial

Trauma psicolojial es un tipo de dana a la mente resultante de un aveni turbante. Trauma es comun la resulta de un cuantia inondante de stresa cual esede la capasia un persona posese per maneja, o per integra la emosias envolveda en la aveni. La trauma pote resulta de un aveni singular o avenis recorente de inondi cual pote es developada en semanas, anios, o an desenios en cuando la person labora a maneja con la situas el encontra dial, ultima resultante en problemes seria e de dura longa.

Car trauma difere entre individuas, seguente sua esperias sujetiva, un person ta reata a avenis traumosa en modos diferente. No tota persones ci esperia un aveni posible traumosa ta deveni ultima traumada psicolojial. Ma lo es posible ce alga persones ta developa la sindrom de stresa postraumal. Esta diferes pote es atribuida a fatores protejente alga persones pote ave cual capasi los per maneja usa trauma, posible relatada a fatores de personalia e ambiente, spesial la ambiente sosial. Lo es sujesteda ce esposa a stresa, an stresa no sever, en enfantia pote causa un capasia reduida per maneja stresa plu tarde.

Trauma pote es causada par un varia grande de avenis, ma on ave alga aspetas tipal: On ave comun un viole de la credes fundal sur la mundo e sua diretos umana, ponente la person en un state de confusa e nonsecuria seria. Esta es videda cuando instituis, de cual la person depende per survive, viole, vergonia, tradi, o causa perdes o separas major, en loca de evocante apsetas como autofide, libria, e securia personal.

Esperias psicolojial traumosa comun envolve trauma fisical cual menasa sua survive e senti de securia. Causas inclui embarasa, discrimina, abandona, rejeta, molesta, ataca fisical, abusa sesal, savajia par polisia, maltrata judal, viole familial, programi mental, un parente alcolosa, menasa con viole, atesta de viole, maladias sever, focas grande, desastres natural como trematera, volcanes, o siclones, asidentes de trafica, gera, atacas par teroristes, fura de un enfante, saisi como ostaje, trafica sesal, mori de algun de sua familia. Esposa de dura longa a situas como povria estrema o abusa verbal esiste estra trauma fisical, ma ancora resulta en trauma psicolojial. Nota ce cada de estas crese cuando la vitim es un enfante o la trauma es plu personal. Ance, on debe nota ce vitimes tende es femes, la jovenes, la veas, soldatos, la descapasidas, omosesales, transesales, migrores, migrantes, la povres, minorias, los con problemes mental, los sin un casa propre, e cualce persones sin defendes.