Tortilia

De Vicipedia
Jump to navigation Jump to search
Un fem mexican prepara mais en cuando fria tortilias (Yucatan, Mexico).
Tortilias de farina trigo

Un tortilia es un comeda plata e ronda, simil a un pan plata magra, tipal fabricada de un farina de mais o trigo. La Astecas e otra parlores de Nahuatl ia nomi los tlaxcalli. Prima comeda par la popla orijinal de America sentral, tortilias es un parte fundal de la cosinis de la multe paises de la rejion. La orijinas dati a ante 500 aec.

La varia de tortilia la plu vea es los fabricada de mais. Los ia orijina en Mexico e Guatemala, e resta popular tra la Americas. La popla de la rejion Oaxaca en Mexico ia come tortilias a la fini de la fase de vilas (1500 a 500 aec). Asta la fini de la sentenio 19, la aparatos mecanical prima per fabrica tortilias - la presadores de tortilias o tortiliadores, ia es inventada e fabricada en Mexico.

Europeanes ia introdui trigo e sua cultiva a la continentes american, e el resta la fonte per tortilias de farina trigo. Los orijina en la rejion norde de Mexico. Tortilias de trigo tipal conteni gras, sal, polvo de forni, e otra ingredientes. Esta tortilias es comun usada en buritos, tacos, e fajitas.

Un nopaltilia es un tortilia usante un farina de cactos. La parola es un combina de nopal, la parola espaniol per la Opuntia cacto, e tortilia.