Tora

De Vicipedia
La tora de la Sinagoga Glockengasse

La Tora (Ivri: תּוֹרָה, "instrui") es un conseta sentral de la tradision iudi. La sinifia la plu restrinjeda es la sinco libros prima de la Tanakh (Atesta vea iudi). Plu jeneral, lo refere a la Tanakh completa e ance la comentas de la rabis, e an tota de la instrui e pratica de la iudis (la halakha o modo de vive).

Esta article es sur la sinco libros prima, cual, par tradision, Dio ia nara direta a Moxe. Los es nomida en iudisme par la parolas cual comensa la strofe prima de cada libro:

  • Bereshit (בְּרֵאשִׁית, leteral "a la comensa")
  • Shemot (שִׁמוֹת, leteral "nomes")
  • Vayikra (ויקרא, leteral "e el ia clama")
  • Bəmidbar (במדבר, leteral "en la deserto")
  • Devarim (דברים, leteral "cosas" o "parolas")

La nomes usada par cristianes per la libros es derivada de la septuaginta, la tradui orijinal en elinica, e los indica la temas de cada libro:

  • la libro de Jenese (la comensa de la universa e umanas)
  • la libro de Esodo (la parti de la ivris de Egipte)
  • la libro de Levitico (la leges de la levis, la tribu de ivris de cual la pretes ia es un parte)
  • la libro de Numeros (la cuantias de la popla en Sinai e Moab)
  • la libro de Deuteronomio (la dise du de la leges, e la nara de la mori de Moxe)