Tipos de leteras
En tipo movable, un tipo de letera refere a la grandia, pesa, e stilo de un colie de leteras e otra sinias. Cada tipo ave un colie de leteras, etc, en un stilo coerente con lunlotra.
En tipografia tradisional e tipografia dijital, la "tipo" refere a la forma de la desinia de la leteras. Tradisional, los es fada de metal (o porsalana, o lenio). Oji, los es un arcivo dijital. En ambos casos, la tipo pote ave cualias variosa:
La pesa (lejera o pesosa) de un tipo refere a la spesia de la linias cual composa la leteras, relativa a sua altia. Un tipo pote inclui un colie en multe pesas, de "ultra-lejera" a "estra-spesa"; cuatro a ses pesas no es rara, e algas ave tan multe como 12.
En tipos european, spesial tipos roman, un stilo apoiada es usada per asentua alga parolas importante. Esta desinias apoia normal a la destra en sinistra-a-destra scrives. Esta stilos es plu corente ca stilos normal, e sembla plu como scrive corente, a veses usante lias e gania ornas.
Alga tipos ave varias de largia de la leteras. Tipos streta es comun nomida compresada, condensada, o streta. La tipos plu larga es comun nomida estendeda, e ambos pote es plu clasida par ajunta "estra-", "ultra-", etc. Ance, alga tipos ave varias de spasios entre la leteras per produi parolas plu compatada.
La plu de tipos de leteras ave colies de leteras proportial (pd normal) e monospasida (pd en la stilo de un tapador tradisional).
An si la plu de tipos usa serifes, on ave "suprafamilias" cual ave leteras con serifes o sin serifes, con la mesma formas fundal.