Talo (mitolojia)
En mitos elinica, Talo (Τάλως) es un automata jigante, fabricada de bronze par Hefesto a la comanda de Zeus, per proteje Europa en Criti de saisi par piratas e invadores. Seguente la mito, Talo ia sirculi la costa de la isola tre veses dial.
En la dialeto de Criti, talos es, en elinica, helios (la Sol), cual ia es un aspeta de Zeus. An si la consetas de Talo varia multe, on ave un detalia perene: En imajes elinica, Talo es sempre vinseda. El ia es un figur enigmosa per la elinicas se mesma.
Talo es descriveda par la elinicas en du varias. En un varia, Talos es un donada de Hefesto a Mino, forjada con la aida de la Siclopes en la forma de un bove. En un otra varia, Talo es un donada de Zeus a Europa. Un otra varia sujeste ce el ia es la fio de Cre, la personi de Criti. En la nara de la Argo, Talo ia lansa rocas grande a cualce barcon per proteje sua isola. En la ensiclopedia bizantia la Suda, cuando la sardas no ia relasa Talo a Mino, el ia caldi se mesma par salta en un foco, e fisa los en sua abrasa.
Seguente la mitos, Talo ia ave sola un veno, cual core de sua colo a sua talon, cluida par sola un clo bronze. La barcon Argo, transportante Iason e la argonautas, prosimi Criti pos oteninte la lana de oro. Como la gardor de la isola, Talo ia esclui la Argo par lansa rocones a lo. En alga mitos, Talo ia es matada par Medea la sorsoresa par usa drogas o spiritos fema (ceres), cual causa ce Talo ia deveni demente. En sua bambola, el ia desfia la clo e la umor en sua veno ia esflue de el "como plomo fondeda". Un otra nara ia dise ce Medea ia engana Talo afin el ta crede ce el ta deveni nonmortal si el ta estrae la clo.