Sustantia gris

Sustantia gris es un composante major de la sistem de nervos sentral, composada de corpos de selulas neuronal, neuropilo (dendrites e asones nonmielinida), selulas glial (astrosites e oligodendrosites), sinapses, e capilares. Sustantia gris es distinguida de sustantia blanca en ce lo conteni multe corpos de selulas e relativa poca asones mielinida, ma sustantia blanca conteni relativa poca corpos de selulas e es composada xef de asones mielinida de estende longa. La difere de color veni xef de la blancia de mielina. En texeda vivente, sustantia gris ave vera un color multe pal gris con tinjes jalin o rosin, cual veni de la capilares de sangue e la corpos de selulas neuronal.