Strumentos de teclas

De Vicipedia
Un clavesimbal
Un piano grande
Un viola de rota
Un organo grande
Un acordioniste

Un strumento de teclas es un strumento musical juada par usa un teclador, un linia de leveres cual es presada par la ditos. La plu comun de estas es la piano e la organo. Oji, la parola "teclador" refere plu comun a sintesadores con tecladores.

La strumento de teclas conoseda la plu temprana ia es la hydraulis de la elinicas antica. Lo ia es un tipo de organo con tubos, inventada en la sentenio tre aec. La teclas ia es probable ecuilibrada e pote ia es juada con un toca lejera. De esta inventa asta la sentenio 14, la organo ia resta la sola strumento de teclas. A veses, la organo no ia ave an un teclador, ma en loca ia ave botones o leveres grande operada par la mano intera. Cuasi tota strumento de teclas asta la sentenio 15 ia ave sete notas natural a cada otava.

La clavicordio e la clavesimbal ia apare en la sentenio 14. Los ia es popular asta la adota vasta de la piano en la sentenio 18, pos cual sua popularia ia decrese. La piano ia es revoluinte car la pianiste ia pote varia la volum (o dinamica) de la sona par cambia la enerjia con cual cada tecla ia es colpada. La nom orijinal ia es gravicembalo con piano e forte (clavesimbal con dulse e forte). Pianos ia evolui multe tra la sentenios.

En la sentenio 20, strumentos de tecla ia developa multe, spesial par la introdui de strumentos eletrica. Multe eforta ia es usada per crea un strumento cual sona como un piano, con sua cualias, ma cual es min grande e pesosa. La reprodui de la organo ia aveni en la mesma eda. Aora, on ave strumentos cual pote imita esata pianos famosa, organos variosa, clavesimbales, e multe otra strumentos, comun sur sola un teclador. Plu, sintesadores pote crea sonas de cualce strumento, incluinte de strumentos nonesistente e de sonas de natur o tota nova.

Esemplos de strumentos de tecla:

Cordetas:

Venta:

Percutente:

Eletronica: