Spondilite ancilosante

De Vicipedia
Jump to navigation Jump to search
Un spina dorsal con spondilite ancilosante sever, en un person de la sentenio ses

Spondilite ancilosante es un tipo de artrite en cual on ave inflama de dura longa de la juntas de la spina dorsal. Tipal, la juntas a do la spina lia con la pelvis es ance afetada. A veses, otra juntas como la spala o la anca es ance afetada. problemes de la oio e la intestines pote ance aveni. Dole de la dorsa es la sintom plu comun, e la dole comun ariva e departe. Rijidia de la juntas afetada mali jeneral tra tempo.

An si la causa de spondilite ancilosante no es conoseda, on crede ce lo envolve un combina de fatores jenetical e ambiente. Plu ca 90% de la persones afetada ave un antijen spesifada de leucosites umana nomida la antijen HLA-B277. La mecanisme fundante es probable autoimune o autoinflamante. Diagnose es tipal fundada sur la sintomes, con suporte par esaminas de sangue e imaji medical. Spondilite ancilosante es un tipo de spondiloartropatia seronegativa, cual sinifia ce esaminas no mostra la presente de anticorpos reumatoide. Lo es ance en un categoria plu larga nomida spondiloartrite asal.

Spondilite ancilosante no ave un remedia. Tratas pote boni sintomes e preveni mali. Esta pote incli medisin, eserse fisical, e sirurjia. Medisines usada inclui antiinflamantes nonsteroidal, steroides, antireumaticas alterante maladias como sulfasalazi, e medisines biolojial como infiximabe.

Entre 0.1% e 1.8% de persones es afetada. Comensa es tipal en adultes joven. Mases es afetada plu ca femas. La maladia ia es descriveda prima en a sentenio 17 tarde par Bernard Connor, ma sceletos con spondilite ancilose ia es trovada en momias egiptian. La parola es de la elinica spondylos ("vertebra"), -itis ("inflama"), e ankylos ("rijidi").