Spasio (fisica)

Un sistem de coordinadas cartesian tridimensional e a mano destra usada per indica locas en spasio

Spasio es un continua tridimensional cual conteni locas e dirijes. En fisica clasica, spasio fisical es frecuente consetada en tre dimensiones linial. Fisicistes moderna usual considera lo, con tempo, como un parte de un continua cuatrodimensional sin bordas conoseda como spasiotempo. La conseta de spasio es considerada como de importa fundal a un comprende de la universo fisical. Ma, desacorda continua entre filosofistes sur esce lo es se mesma un cosa, un relata entre cosas, o un parte de un strutur consetal.

En la sentenios 19 e 20, matematicistes ia comensa esamina jeometrias cual es noneuclidal, en cual spasio es consetada como curva, en loca de plata, como en la spasio euclidal. Seguente la teoria de relativia jeneral de Albert Einstein, spasio sirca campos gravital devia de spasio euclidal. Probas esperimental de relativia jeneral ia confirma ce jeometrias noneuclidal furni un model plu bon per la forma de spasio.