Sopa

De Vicipedia
Jump to navigation Jump to search
Un tas de sopa de gal con talietas

Sopa es un comeda preparada par boli bulion con otra ingredientes como carne, vejetales, e otra comables ajuntada. La plu comun, sopa es servida como calda, ma es a veses servida como fria.

Esemplos comun de sopa (con nomes engles ajuntada):

  • sopa de bivalvo - clam soup
  • sopa de col - cabbage soup
  • sopa de fava - bean soup
  • sopa de filos de ovo - egg drop soup
  • sopa de fungo - mushroom soup
  • sopa de gal - chicken soup
  • sopa de gombo - gumbo
  • sopa de lentil - lentil soup
  • sopa de onion - onion soup
  • sopa de patata - potato soup
  • sopa de pex - fish soup
  • sopa de poro - leak soup
  • sopa de talietas - noodle soup
  • sopa de tomate - tomato soup
  • sopa de vejetal - vegetable soup

Alga sopas es asosiada con cosinas de un pais o cultur spesial. Per esemplo (con nomes orijinal ajuntada):

  • borxt (borscht, borshch) - un sopa de betas e otra vejetales, orijinal de Ucraina
  • buliabes (bouillabaisse) - un sopa o ragu spisosa fada de pex variosa, orijinal de Provensa
  • bulion - un preparada licuida, comun fada de carne, osos, o vejetales lenta coceda, cual on pote servi simple o con spises; ance usada como un funda per otra sopas plu complicada
  • gaspatxo (gazpacho) - sopa fria de tomate e otra vejetales, orijinal de Espania
  • gulax (goulash, gulyás) - sopa o ragu de bove, paprica, e onion, orijinal de Magiar
  • miso - un sopa de pex e soia fermentada, orijinal de Japan
  • malagatani (mulligatawny, miḷaku-taṇṇi) - un sopa de gal o otra carne con cari, orijinal de India brites
  • fo (pho) - un sopa de oniones, oniones joven, jinjer, e otra spises, orijinal de Viet
  • bisc (bisque) - un sopa cremosa de crustaseos pureda
  • vixisuaz (vichyssoise) - pure fria de patata, poro, e crema, orijinal de Frans

Ragus - platos de carne taliada a pesos peti, lenta coceda con vejetales - es simil a sopas ma normal ave min licuida. Sopas cual es densida par ajunta crema o otra cosas es comun nomida sopas cremosa o pures.