Smilodon

Smilodon es un jenera de la sufamilia machiarodont de la familia felidae. Lo es un de la animales la plu famosa. Smilodon ia abita la Americanes en la plestosene (2,500,000 a 10,000 anios ante aora). Lo conteni tre spesies: S. gracilis, S. fatalis, e S. populator. Smilodon es plu forte ca cualce gato presente, con gamas fronte multe bon developada e dentes canin superior estrema longa. Sua mandibula ia ave un balia plu grande ca gatos de oji, e sua canines superior ia es magra e frajil, ajustada per mata esata. S. gracilis ia es la plu peti at 55 a 100 kg; S. Fatalis ia es 160 a 280 kg, e 100 cm alta. Ambos de estas es xef de America Norde, ma un poca ia es de America Sude. S. populator de America Sude ia es la plu grande, con 220 a 400 kg e 120 cm alta. La colores de sua pelos no es conoseda, ma en reconstruis, lo es tipal depintada jalin blanda o marcada.

En America Norde, Smilodon xasa erbivores grande como la bisones e cameles. Los ia mata sua preda par teni lo con sua gamas fronte e morde lo. Lo no es serta si smilodon ia es sosial o solitar. Los ia vive en abitas cluida como forestas e bosces, cual ia furni covre per embosce sua preda. Smilodon ia estingui a la mesma tempo como la plu de animales grande de la Americas, sirca 10,000 anios a ante.