Sittuyin

De Vicipedia
Jump to navigation Jump to search
La pesos de xace burman
La comensa de la jua
Un esemplo de la distribui de pesos pos la peones

Sittuyin (o sit-tu-yin, burman: စစ်တုရင်), ance conoseda como xace burman, es un enfante direta de la jua indian de chaturanga, cual ia ariva en la sentenio 8 ec. Sit es burman per armada o gera; la parola sittuyin pote es traduida como un representa de la cuatro cualias de un armada: caros, elefantes, cavaleros, e peones. En Burma, la jua ia es cuasi reponeda par xace, an si lo resta popular en rejiones norde-ueste.

La table es composada de 64 cuadros en 8 linias e 8 colones, sin colores alternante. Lo ave ance du linias diagonal a la table, conoseda como sit-ke-myin (linias de la jeneral).

Pesos es tipal fabricada de lenio e, a veses, de ivor. La altia de la pesos es variada par sua clases. La colores ofisial es roja e negra.

Min-gyi (re) move como la re in xace, pd un paso en cualce dirije.

Sit-ke (jeneral) es la rea de xace, ma lo pote move sola un paso diagonal (como la fers en shatranj).

Sin (elefante) es la bispo de xace, ma lo pote move sola un paso diagonal o un paso a ante.

Myin (cavalo) es la cavalero de xace; lo pote salta du cuadros orizonal e un cuadro vertical (o du vertical e un orizonal), como en xace.

Yahhta (caro) es la tore en xace; lo pote move cualce cuantia de cuadros vacua longo la cuatro dirijes ortogonal.

(senior feudal) es la peon de xace; lo pote move un cuadro a ante, ma no pote retrata, e lo catura un paso diagonal a ante, como en xace.

Sola la peones es sur la table en sua locas inisial. La jua comensa con la juor roja, segueda par la juor negra. Cada pone sua otra pesos en sua propre dui de la table. Esta es nomida sit-tee, la pose de la armada. La pesos pote es poneda a cualce cuadro pos la peones. Orijinal, la caros debe es poneda a cualce cuadro en la linias plu prosima a la juores. En turneos, un cortina peti es poneda en la media de la table per preveni ce la juores pote vide la pones de lunlotra en la fase sit-tee. Un comensa posible es mostrada en la imaje.

La gol de la jua es khwè, pd xacemata. On no es permeteda crea un situa de fini egal.

On pote nota como sittuyin sembla alga sujestes per boni xace par permete la eleje de locas per la pesos pos la peones. Esta ance pote remente on de la comensa de la jua moderna "Stratego".