Sistem lingual global
La sistem lingual global es un "model de lias entre grupos lingual". La sosiolojiste nederlandes Abram de Swaan ia developa esta teoria en 2001 en sua libro Words of the World: The Global Language System e, seguente el, "la lias multilingual entre grupos lingual no aveni caososa ma, par contra, lo constitui un rede forte cual lia (direta o nondireta) la ses biliones de abitores de la tera". La sistem lingual global es fundida sur la teoria de sistem mundo per conta la relatas entre la linguas de la mundo e divide los en un ierarcia de cuatro niveles, per dise linguas periferial, sentral, supersentral e hipersentral.
Piramide de linguas de la mundo
[edita | edita la fonte].jpg)
Seguente David Graddol (1997) en sua libro The Future of English, la linguas de la mundo composa un "piramide ierarcial", como estas. Nota ce la linguas cual el ia eleje es posible no plu coreta per sua catagoria:
- Linguas grande: engles, franses
- Linguas rejional: (linguas de la Nasiones Unida con sinia de stela) arabi*, deutx, engles*, espaniol*, franses*, rusce*, xines*.
- Linguas nasional: sirca 80 linguas servinte sirca 180 nasiones.
- Linguas ofisial en un stato nasional (e otra linguas "secur"): sirca 600 linguas en la mundo.
- Linguas demotica local: la resta de la 6 000 linguas.