Sindrom de resinia
La sindrom de resinia es un sindrom de desasosia cual indui un state catatonica, prima descriveda en Sveria en la desenio de 1990. La maladia afeta, per la plu parte, enfantes e adolesentes psicolojial traumada en la media de un prosede de migra longa e esersosa.
Jovenes developa sintomes de depresa, deveni sosial retirada, e deveni nonmovente e muda como un reata a stresa e sin espera. En la casos la plu estrema, enfantes rejeta cualce comedas o bevis e debe es nurida par un tubo. La situa pote persiste per anios. Recovre comensa en menses o anios, e es suposada como dependente de la restora de espera per la familia.
Sintomes[edita | edita la fonte]
Individuas afetada (xef enfantes e adolesentes) mostra prima sintomes de ansia e depresa (spesial apatia e letarjia, alora retira de otras e cura per se mesma. Ultima, sua maladia pote move a stupor, pd los para pasea, come, parla, e deveni nonconteninte. La sindrom pote continua per menses o an anios e recovre aveni pos cuando la situa de sua vive boni e la enfante reveni a un state plu normal.
Nosolojia[edita | edita la fonte]
Sindrom de resinia e refusa permeante comparti cualias e fatores etiolojial; ma resinia es plu clar asosiada con trauma e situas de vive difisil. Ambos no es incluida en la sistemes de clasi normal de psiciatria.
La sindrom de refusa permeante ia es consetida en modos variante, incluinte un forma de stresa postraumal, noncapasia aprendeda, perde de la parente interna, apatia o la sindrom de sede, perde de enerjia de depresa, e an un sindrom manipulante.
La Comite Nasional de Sania e Bonstate Sveria, reconosente la importa sosial, ia developa la caso de diagnose de la sindrom de resinia en 2014. En cuando otras ia sujesta ce casos d en le diagnose cual esiste ja pote es usada e es sufisinte, pe un sindrom de depresa major sever con sintomes psicosica o catatonia, o un sindrom de converti/desasosia.
Aora, criterios de diagnose no es determinada, patojenese no es serta, e trata efetosa no es conoseda.
Causas[edita | edita la fonte]
La sindrom de resinia pare es un responde spesialida a la trauma de limbo de refujada, en cual familia, de ci multe ave evade situas perilosa en sua propre paises, espeta sin securia per permete legal per resta en la pais nova, frecuente fasante multe refusas e apelas per un periodo de anios. Espertas ia proposa modeles de esplica con multe fatores, incluinte la debilia individua, trauma, migra, modos de reata cultural, mal funsiona familial, o ajusta patolojial a la espetas de la aidores.
La ipotese de stresa no pote esplica la distribui rejional e contribui poca a trata. Algas sujesta ce la atentas a trata presente pote promove la problemes en loca de solve los. Plu, algas es consernada par la posible de infeta psicolojial. Rexercores sujesta ce enfantes pote aprende ce desasosia es la modo cultural asetable per responde a trauma.
Epidemiolojia[edita | edita la fonte]
Presentada como un sindrom restrinjeda a alga cultures, lo ia es prima oservada e descriveda en Sveria entre la enfantes de xercores de refuja de la Uni Soviet e Iugoslavia pasada. En Sveria, sentos de enfantes migrante, fasante la posible de deporta, ia es diagnoseda de la desenio de 1990. Per esemplo, 424 casos ia es reportada entre 2003 e 2005; e 2.8% de tota 6547 aplicas per refuja presentada per enfantes ia es diagnoseda en 2004.
La sindrom ia es ance oservada en enfantes refujada moveda de Australia a la Sentro per Prosede Rejional de Nauero. La Economiste ia scrive en 2018 ce Dotores sin Bordas ia refusa dise cuanto de la enfantes a Nauero es posible sufrinte de la sindrom de resinia. Un reporta publicida en Agosto 2018 ia sujesta ce on ave a min 30. La sentro legal de la Projeta Nasional de Justia ia estrae 35 enfantes de Nauero esta anio. Lo estima ce sete ia es sufrinte de la sindrom, e tre ia es psicosica.
Lo pare ce la boni jeneral de la sufri de esta enfantes nesesa ce la radises de la sindrom es la migras forsada par la geras e desastres en alga rejiones debe es solveda, e ce la asorbe de migrantes forsada no ajunta plu trauma a los ci es ja traumada.