Servo jigante

De Vicipedia
Jump to navigation Jump to search
Megaloceros Bremen.jpg
Knight Megaloceros.jpg

La servo jigante (Megaloceros giganteus), acc la servo eres o alce eres, es un spesie estinguida de servo en la jenera Megaloceros, e es un de la servos la plu grande ci ia vive sempre. Lo ia estende tra Eurasia en la plestosene, de Er a Sibir a Xina. Un forma relatada es recordada en Xina en la plestosene tarda. La restas la plu resente ia es radiocarbonal datida de sirca 7,700 anios ante oji en Sibir.

La plu sceletos ia es trovada en la pantanes torbosa de Er, ma la animal no es restrinjeda a Er e no ia es relatada prosima a alces o uapitis (Alces alces o Cervus canadensis). Per esta razona, la nom "servo jigante" es prefereda. Studias ia sujesta ce lo es relatada a la servo roja (Cervus elaphus) o la gamo (Dama dama o Cervus dama).

La grandia de la cornos de la servo jigante es distinguinte. Siensistes ia proposa teorias multiple regardante la evolui de acel cornos. Un teoria dise ce sua cornos, su eleje sesal constante e forte, ia causa la crese en grandia car mases ia usa los en combate per asede a femas. Ultima, la cornos ia deveni tan grande ce la servos no ia pote continua con sua vive normal, e alora deveni estinguida. Ma otra teorias sujesta ce cambias en la clima, compete con otra spesies, e la xasa par umanas es plu probable.

La servo jigante ia prefere savanas abri per sua abita, multe plu ca cualce otra servos. Con cornos tan grande, vive en forestas ta es plu perilosa. Otra spesies cual prefere la savana, como la gamo, tipal ave marcas plu ornosa e de colores plu variada per aida en sua camofla. La grandia de la servo jigante e sua cornos no nesesa multe camofla.