Sentrisme

De Vicipedia
Jump to navigation Jump to search


En politica, sentrisme es un vista political cual inclui aseta o suporta de un ecuilibria entre un grado de egalia sosial e un grado de ierarcia sosial, en cuando oposante cambias political cual ta resulta en un cambia grande de sosia a o la destra o la sinistra. Alga politicistes refere a se mesma como "sentrodestra" o "sentrosinistra" per indica ce los alia se a alga grada a la un lado o la otra. En multe sosias, un ideolojia sentriste tende prosimi la promedia de la sitadanes de la sosia, cual pote dona suporta a sentristes, estra ce la situa sosial, economial, o internasional causa un move a via de la sentro entra la popla. En alga nasiones, un partito represente coerente esta ideolojia.

Lo es comun ce partitos sentriste usa parolas como "democrata", "libral", o "labor" per descrive se, cual pote sujeste ce los es plu a la sinistra, e otras usa parolas como "cristian" o "nasional", cual pote sujeste ce los es plu a la destra. La plu comun compromete en partitos sentriste es ce los es alga libral sur cosas sosial, e alga conserval sur cosas finansial, un vista comun nomida "la via tre" o "sentrisme radical".