Sculta de Egipte antica

De Vicipedia
Jump to navigation Jump to search
Un copia de la tableta de Narmer, sirca 3100 aec, cual mostra la norma per imajes de persones.
Mencaura e sua rena, de la Rena Vea, dinastia cuatro, 2490 – 2472 aec; la formalia de la posa es reduida par la braso de la rena sirca sua sposo
La masca famosa de oro de Tutancamun, esibida en la Museo Egiptian en Cairo
Modeles de lenio, dinastia 11: un manefor alta contante sua boves

La sculta de Egipte antica en templos e tombas es famosa tra la mundo. Ma obras refinada e delicata esiste un cuantias multe plu. La egiptianes usa la tecnica de releva afondada cual es videda plu bon en la lus de la sol per asentua la contornos e formas par ombras. La posa distinguida de scultas stante, fasante a ante con un pede ante la otra ia aida la ecuilibria e duria de la peso. La usa de esta posa ia comensa temprana en la istoria de arte egiptian e ia continua en la periodo ptolemean, an si scultas ia es ance comun. Faraones egiptian ia es sempre videda como dios, ma otra dios ia es multe min comun en scultas grande, estra cuando los representa la faraon como un otra dio. Tota en la linia de cuatro scultas estra la templo xef a Abu Simbel represente Rameses du es un scema tipal, an si los es estraordina grande. La plu de scultas grande de templos o tombas egiptian survive. Scultas masosa ia es construida per representa dios, faraones, e sua reas, comun per areas abrida o estra templos. La Sfinge de Giza ia es nunca repeteda, ma bolevares de scultas multe grande, incluinte sfinges e otra animales ia es incluida en multe complesos de templos. La imaje de un dio la plu importante per un seto es tipal locada en la naos, e ia es en la forma de un barco conteninte un imaje de la dio, e ia es tipal fabricada en un meta valuosa. No esemplos ia survive.

A dinastia cuatro (2680–2565 aec) a la plu tarde, la idea de la sculta de un ka ia es bon instituida. Estas ia es poneda en tombas como la loca de reposa per esta parte de la spirito, e donce nos ave un bon cuantia de scultas min tradisional de manejores rica e sua sposas, multe de lenio. Los survive car Egipte es un de la poca locas en la mundo do la clima permete ce lenio survive tra milenias. La "testas reservada", testos simple e sin capeles, es spesial natural, an si la similia a realia en Egipte antica es ancora debateda.

Tombas temprana ia conteni ance modeles peti de sclavos, animales, construidas, e ojetos como barcos nesesada afin la mor ta continua sua modo de vive en la mundo pos mori. Ma la majoria de scultas de lenio ia es perdida par putri, o posible usada per combusta. Imajes peti de dios o sua personidas animal es multe comun, e trovada en materias popular como seramica. On ave ance cuantias grande e ojetos peti xiselida, de imajes de la dios a juetas e utiles. Alabastro ia es comun usada per varias cara de estas, ma lenio ia es la plu comun materia, e normal per modeles peti de animales, sclavos, e poseses poneda en tombas per la vive pos mori.

Costumes sever ia es segueda cuando fabrica scultas, e regulas spesifada ia governa la aspeta de cada dio egiptian. Per esemplo, la dio de la sielo (Horus) ia es representada con la testo de un falcon; la dio de rituas funeral (Anubis) ia es representada sempre con la testo de un xacal. Obras artal ia es valuada par sua adere a esta costumes, e costumes ia es tan segueda ce, tra tre mil anios, la aspeta de scultas ia cambia poca. Esta costumes ia es intendeda per mostra la cualia eterna de la ka de la person.

Un releva comun en la sculta de Egipte antica ia es la representa entre omes e femes. Femes ia es comun representeda en un forma ideal, joven e atraosa, e no es mostrada plu vea. Omes ia es representada en un de du modos: en un modo ideal o en un imaje plu real e maturada.