Scrive de Rashi

De Vicipedia
Jump to navigation Jump to search
La alfabeta completa en la scrive de Rashi
Rabi Rashi

La scrive de Rashi es un tipo de leteras per la alfabeta ivri. Lo es nomida per Rashi, un autor de comentas rabial sur la Tanakh (biblio ivri) e la Talmud (comentas sur la tanakh), e es usada xef per primi sua comentas. La tipo (cual no ia es usada par Rashi mesma) es fundida sur un scrive de mano semicorente de la comunia sefardi de la sentenio 15. Lo ia es prendeda como un model par tipografores ivri temprana como Abraham Garton, la familia Soncino e Daniel Bomberg, un primor cristian en Venezia, en sua editas de testos comentada (como la Micraot Gedolot e la Talmud, en cual la comentas par Rashi es importante).

La developa comensante de la tipos de leteras per la primador es comun ancorida en la cultur pre-esistente de manoscritos. En la caso de la primerias ivri, la tradision axcenazi ia domina e leteras cuadrida ia es moldida per biblios e otra obras importante. Testos plu minor, como comentas de rabis, ia es comun primida con un semicorente forma cual ia es normalida como la scrive de Rashi.

A tipo de leteras corespondente ma distinguida ia es usada per primi ides. Lo ia es nomida vaybertaytsh, de ia parolas vayber (femes) e taytsh (deutx ides), car obras primida en esta tipo ia es xef intededa per lejores fema.