Salmo 23

"La Dio es mea pastor", un depinta par Eastman Johnson de un om povre preante

La Salmo 23 es de la Libro de Salmos e es conoseda comun par la parte prima "La Dio es mea pastor". "La Dio" es ance espresada como "La Senior" o "Iaue". Como tota salmos, esta es usada en adora par la ivris antica. La scrivor, comun suposada como Re David, descrive la Dio como sua pastor, en la rol de protejor e curor. Lo es lejeda, resitada, e canta par iudis e cristianes. Lo es nomida la salmo la plu bon conoseda per sua tema universal de fide en la Dio. Un tradui elefen:

1. La Dio es mea pastor; me manca de no cosa.

2. El fa ce me reposa en pastos verde; el gida me asta la acuas calma.

3. El restora mea spirito; El gida me en la vias de virtua, per la ama de sua nom.

4. An si me pasea en la vale de la ombra de moria, me no teme malia, car tu es con me; tua cana e tua baston consola me.

5. Tu prepare un table ante me en la presente de mea enemis: tu unje mea testa con olio; mea copa suprabunda.

6. Serta, bonia e compati va acompania me en tota dias de mea vive; e me va abita sempre en la casa de la Senior.