Søren Kierkegaard

De Vicipedia
Kierkegaard

On ave, como es conoseda, insetos cual mori en la momento de fertili. Tal lo es con tota joia: la momentos de vive la plu alta, plu marveliosa de joia, es acompaniada con moria. - Kierkegaard

Søren Kierkegaard (1813-1855) ia nase en Kobenhavn a 5 maio 1813, la plu joven de sete enfantes. Sua padre, Michael Pedersen Kierkegaard, ia es en la comersia de calsas. El ia es un om forte ci ia teni a un tipo de cristiania, oseseda con culpablia de un aveni en cual es la blasfema contra Dio. Sua madre ia es Ane Sørensdatter Lund, un servinte de la familia Kierkegaard.

Du frates de Søren e du sores ia mori. Par 1834, sua madre ia mori ance, e Kierkegaard ia deveni tan depresada como sua padre. El ia perde sua fide e ia comensa un stilo de vive edoniste. Ma el ia ave un esperia relijiosa en 1838. El ia reseta sua diploma en teolojia en 1840, e ia proposa a Regine Olsen, fia de un ofisior importante de la governa en Kobenhavn,

Nun sabe esata perce, ma en 1841 tarda e ia desprende sua promete de sposi, cual ia resulta en mal anunsias sosial. Lo pare ce esta ia es un crise sentral en sua vive, e el ia parti subita a Berlin per studia.

Cuando el ia reveni, el ia completa un manoscrito sur cual el ia labora, e en 1843, el ia publica "O un, o la otra". Lo ia ave un debata sur como on debe vive entre un om "estetical" e un om "etical", probable refletante du aspetas de sua propre spirito.

La om estetica es fundal un edoniste e un ateiste. An si el es depintada como un om refinada, sua partes de la libro es vagante, cual sujeste ce sua vive es simil sin foca. La om etical es un judor, e sua razonas es multe plu ordinada e bonparlante: El spende multe tempo anallisente la imperor Nero de Roma antica e sua states mental.

Ance en 1843, el ia publica sua libro famosa "Teme e trema", cual renara la nara de Abraham es usa cuasi sacrifia de sua fio. Esta ves, Kierkegaard ia compara la responde etica con la fide de Abraham en sua Dio.

En sua libros variosa, Kierkegaard ia developa sua tre "fases" o filosofias de vive competente: la person estetica, ci vive en la momento e no pote dedica se a cualce cosa; la person etical, ci es dedicada a sua ideales; e la person relijiosa, ci reconose la natur transendente de sua ideales vera. Nota la similia con Arthur Schopenhauer, an si, per Schopenhauer, "estetica" refere a un ama de arte e siensa, no a edonisme.

En tota se obras, el ia es consernada con pasiones. El ia defina ansia, per esemplo, como "la vertigo de libria". "Despera es lo cual la edoniste senti cuando el reconose final la vacuia de sua vive. Culpablia es lo cual un om etical senti cuando el descovre nonevitable sua noncapasia per pardona se mesma. Esta definis ta influe profonda multe filosofiste e scrivores plu tarde.

En 1849, el ia publica "Maladia asta moria", cual ia es sua clama la plu forte a la cristianes normal de Kobenhavn per fa lo cual Kierkegaard ia nomi "un salta de fide" a un tipo plu personal de relijio. Ma sua comunia no ia es preparada per esta tipo de cristiania pasional, e el ia es criticada sever par la potias relijiosa de Danmarc.

Kierkegaard es frecuente videda como la esistentaliste, xef per sua usa de la parola "esiste". El ia dise ce Dio no esiste car el es eterna. Sola persones esiste, car los es sempre un produi noncompleta. E la natur de esiste es, prima, ce lo es la domina de la individua, e du, car la individua debe prende culpablia per sua propre crea.

Ma Kierkegaard ia nota ce sua filosofia no es un "sistem" de filosofia. Esiste umana es un prosede continuante de cresa, e no pote es caxida par cuale "sistem". Esta ia es un tema sentral en esistentialisme de alora.

Kierkegaard ia mori a 2 otobre 1855 de paralise spinal. El no ta aseta comunia e el ia demanda ce no eglesores ta partisipa en sua funera. Sua enscrive de tomba dise "La individua".