Rosario

De Vicipedia
Jump to navigation Jump to search
Un rosario catolica simple

La rosario (de la latina, rosarium o "corona de rosas") es un forma de medita sur la vive tota de Jesus Cristo. Un costum de Catolicisme, lo es representada par un colie de granos liada, cual permete la conta de preas. Alga persones noncatolica ance prea con la rosario, como presbiterianes, luteranes e anglicanes.

La 16 de otobre, en la anio 2002, La papa Ioanes Paulus II ia crea la colie cuatro de misterios, clamada la misterios luminosa. La junta no es ofisial, ma los es aora popular con multe preores usante la rosario.

Orijin[edita | edita la fonte]

Multe relijios ave un forma de prear con granos, como la induisme, islam, etc. La persones relijio ia usa la petretas per contar cada prea. La monces ia debe memori tota la 150 salmos, e a pos, los ia developa un modo, tra preante la Nos Padre e la Ave Maria per cada salmo. E pos esta, tra veses en prea, la rosario ia es developada. El es simila como la Eglesa Ortodoxa de la Este, ci prea la Prea de Jesus.

La rosario developada conteni plu ce 50 granos contenida en grupos de des, e a la fini es un crus con la corpo de Jesus. Un grupo de des granos en un rosario es clamada un desenio, e per cada desenio, la preor medita de un parte de la vive de Jesus tra "la oios de Maria."

La misterios[edita | edita la fonte]

La preas per la rosario es nomida la misterios. Los recorda la avenis miraclosa en la vives de Jesus e Maria. La plu parte de la misterios es trovada en la Biblia.

La misterios joiosa

  1. La Clama (de la arcanjel Gabriel a Maria) Lucas 1:26-38
  2. La Visita (de Maria a sua cusin Elizabeta), Lucas 1:39-49
  3. La Nase (de nosa Senior Jesucristo), Lucas 2:6-12
  4. La Presenta (de la enfante Jesus en la temple), Lucas 2:22-35
  5. La Trova (de la enfante Jesus en la temple), Lucas 2:41-51

La misterios luminosa

  1. La Batiza de Jesus (en la rio Jordan), Mateo 3:13-17
  2. La Sposi en Cana, Joan 2:1-12
  3. La Proclama de la Rena (de Dio), Mateo 10:5-14
  4. La Cambia (de la corpo de Jesus en la forma de lus), Lucas 9:28-35
  5. La Funda de la Eucaristia (a la come de sera ultima de Jesus), Lucas 22:14-20

La misterios tristiosa

  1. La Angusa en la Jardin, Lucas 22:39-45
  2. La Flajeli a la Colona, Marcos 15:1-15
  3. La Coroni con Spinas, Mateo 27:27-31
  4. La Porta de la Crus, Lucas 23:26-32
  5. La Crusi, Joan 19:18-30

La misterios gloriosa

  1. La Revive, Mateo 28:1-9, Joan 20:19-29
  2. La Asende de Jesus a la Sielo, Atas 1:3-10
  3. La Pentecoste (cuando la Spirito Santa desende a la apostoles), Atas 2:1-6
  4. La Asende de Maria a la Sielo, Lucas 1:28-49
  5. La Coroni de la Virjin santa en la Sielo, Revelas 12:1-5