Roca magmal

Roca magmal es un de la tre tipos xef de roca, la otras esente deponeda e mutada. Rocas magmal es formida par la fri e solidi de magma o lava.

La magma pote deriva de fondes partal de rocas esistente en la litosfera de un planeta. Tipal, la fonde es causada par un o plu de tre prosedes: un aumenta de temperatur, un diminui de presa, o un cambia de composa. Solidi a roca aveni o su la surfas como rocas intruinte o sur la surfas como rocas estruinte. Roca magmal pote formi con cristali per formi rocas granin e cristal, o sin cristali per formi vitros natural.

Rocas magmal aveni en un varia grande de situas jeolojial: scermos, plataformas, orojenes, basines, provinses magmal grande, litosfera estendeda e litosfera maral.